Haurren Eskubideei buruzko Nazio Batuen Konbentzioak, 1989ko azaroaren 20koak, gurasoengandik banatuta bizitzeko eta maiztasunez beraiekin harreman pertsonalak eta zuzenak izateko haurren eta nerabeen eskubidea aitortu zuen, harreman horiek adin gabeko pertsonaren interes gorenaren aurkakoak direnean izan ezik. Kode Zibilak antzeko adierazpena jaso zuen seme-alabarik gabe bizi diren gurasoen egonaldiak, komunikazioa eta bisitak izateko eskubidea arautzean.  Era berean, Adin Gabeen Babes Juridikoari buruzko urtarrilaren 15eko 1/1996 Lege Organikoak, Kode Zibilaren eta Prozedura Zibilaren Legearen zati bat aldatzen duenak, adin gabeko pertsonen interes gorenaren lehentasuna ezartzen du, gerta daitezke bestelako interes zilegien gainetik. Eskubide hori babesteko hainbat erakunde sortu dira, hala nola Familia Elkarguneak; hain zuzen ere, Euskal Autonomia Erkidegoan deribazio judizialaren bidezko Familia Elkarguneei buruzko uztailaren 1eko 124/2008 Dekretuaren bidez Eusko Jaurlaritzak berriki arautu dituenak (2008ko abuztuaren 7ko EHAAn). Lege horren 6. artikuluak profesionalizazio printzipioa zehazten du: "Euren lana Familia Elkarguneetan egiten duten arduradunek eta profesionalek euren maila profesionalari eta betetzen duten karguari edo lanpostuari dagokion prestakuntza teknikoa izan beharko dute". Bestalde, 12. artikuluan profesionalei berariazko prestakuntza jasotzeko eskubidea aitortzen zaie.

EHUren plangintza estrategikoaren oinarriekin bat eginez, Dibortzio eta Banaketari buruzko Aditua Tituluaren diseinuak gizartearen eskaerari eta ikasleek prestakuntza espezializatua jasotzeko eskaerari erantzuten dio.