Otsailaren 9an, osteguna, 12:00etan, UPV/EHUko Lucio Lascaray Ikerketa Zentroan (Letren Fakultate ondoan), Vitoria-Gasteizen, inauguratuko da arrisku biologikoa kontrolatzeko segurtasun handiko UPV/EHUren lehen laborategia. Lucio Lascaray Ikerketa Zentroan abiatuko den instalazio horretan mikroorganismoekin lan egingo da, eta horiek manipulatu eta kontserbatzeko beharrezkoa da segurtasuneko ezaugarri bereziak dituen laborategi bat izatea. Era berean, horrelako laborategietan ezinbestekoa da bertan lan egiten duten teknikariek eta ikertzaileek jantzi egoki batzuk erabiltzea.

Pertsona hauek etorriko dira ekitaldira:

• Eugenio Ruiz Urrestarazu, UPV/EHUren Arabako Campuseko errektoreordea
• Javier de Andrés, Arabako Foru Aldundiko diputatua
• Fernando Aranguiz, Vitoria-Gasteizko Udaleko Ekonomi Sustapena Saileko zinegotzia
• Begoña Ochoa, Eusko Jaurlaritzaren Hezkuntza, Unibertsitate eta Ikerkuntzarako Saileko Zientzi Politikako zuzendaria
• Miguel Angel Gutierrez, UPV/EHUko Ikerketako errektoreordea
  

Hasierako eguna 2012/02/09

Amaiera eguna 2012/02/09