Hegatsak

HEGATSEN BIDEZKO BERO-BARREIAPENA

Gure laborategian diseinatu eta eraikitako unitatea.

Helburua:

Konbekzio eta erradiazio bidezko bero-barreiapena jasaten duen eta zeharkako sekzio konstantea duen hegats baten konportamendua aztertu.

Hegatsan zeharreko bero-transmisioa eta tenperatura-distribuzioa lortu eta distribuzio teorikoarekin konparatu.

Hegatsaren etekina kalkulatu.

Materiala:

Guk diseinatutako saiakuntza-bankua, aluminiozko aleazio batez egindako hagatxo batez osaturik dago; hagatxoa bere oinarrian erresistentzia elektriko batez berotzen da. Hagatxoa posizio horizontalean mantentzen da, eta emari aldakorreko haizagailu batez, hagatxoa eta airearen arteko konbekzio-koefizientea erregula daiteke.

Erresistentziak ematen duen potentzia erreostato batez erregula daiteke, eta honela hegatsaren oinarrian tenperatura ezberdinak lor daitezke..

K motako 6 termoparren bitartez, hegatsaren puntu ezberdinetako tenperatura neurtu daiteke, eta data logger batez baliatuz, informazio hori guztia ordenagailuan sartu eta tenperatura-distribuzioaren eboluzioa irudika daiteke.

Praktika birtuala:

Hegatsaren praktika hau egiteko erabiltzen den hegatsaren konportamendua modelizatu eta simulazio informatikoa garatu dugu. Honela, ikasleak hegatsaren funtzionamendua inolako limitaziorik gabe aztertu dezake, berak nahi dituen eta laborategiko unitate errealean ezin dituen parametroak kontrola baiditzazke. Gainera, bero-trukagailu birtual honen bitartez, praktika aldi berean egin dezaketen ikasle kopuruak ez du mugarik.