Telebista
kateen arteko gerra
Irailaren
11an hasitako krisia erronka handi bat izan da AEBtako telebista kateentzat.
Horren isla batzuk agertzen dira artikulu honetan.
Ulertzeko zaila egiten den arren, Afganistanen
dauden EEBBetako kateen korrespontsalek, subjektiboak izatera behartuak daude
beren kroniketan, aberritasun mezu bat helarazteko. Agian, hain amerikarra den
jarrera honek eraman du FOX news katea bere etsaia den CNN gainditzera “prime
time”ean. Kritikoen arabera azken kate honek bere berezko izaera galdu du.
Agian, CNN oso garesti ordaintzen ari da
“terrorista” hitza ez erabili izana “ustezko” adjektiborik gabe Osama
Bin Ladeni buruz hitz egiterakoan atentatua gertatu zenetik egun gutxira.
Honekin, ez zuten aurreikusi ikuslego ertaina gogaituko zutenik.
EEBBetako beste kate handi batek, MSNBC-k hain
zuzen, aurkezten duen informazioa eramangarriagoa da. Beren ordezkariei ez zaie
hainbeste politika egitea interesatzen, dirua egitea bezala. Afganistango gerrak
emaitza benetan tristea uzten du “all news” kazetaritzarentzat, nola
onuragarria, informazioa 24 orduz eskeintzen duten enpresen emaitzen
kontuetarako.
Aditu batzuek diotenez, hainbesterainokoa izan
zen Irailaren 11ko eguna, edozein gradutako aberritasuna onargarria dela,
informazioaren inpartzialitatea apurtzen badu ere. Adibiderik aipagarriena eta
komentatuena EEBBetan, Geraldo Riverarena da. Gizon hau telezaborra deritzon
generoaren aurkezle ohia, Afganistanera joan da gerrako berriemaile bezala
“ezer egin gabe jarraitu ezin zuelako”. Pistola batekin joan zen eta
aurkitzen bazuen Bin Laden hilko zuela adierazi zuen.
CNN kateari terrorismoaren aurkako gerrak bere krisialdi propioan
harrapatu du. 400 langile kalera bota ondoren krisia gainditzea espero du.
Guztira langilegoaren % 10 kalera joan da, kate honetako azken 20 urte hauetako
aurpegi ezagun eta famatuenez gain. Urrian CNN katea % 225 hazi zen, 2000 urteko
Urriarekin konparatuz; FOX katea % 150 igo da eta MSNBC % 167 bat. Irailaren 11an ikuslegoei dagokienez guztiek beren marka historikoa
hautsi zuten. Kate hauentzat zoritxarrez bada ere, arazo militarra onuragarria da.
Operazio militarrak, Pentagonoko
prentsaurrekoak, Al Qaedako kide baten atxiloketa edo atentatu gehiagoren
esperoak, harreta biziki mantendu dute. Honetaz gain CNN, FOX eta MSNBC kateak
Bin Ladenen bideo gehiago agertuko diren zain daude. Ezin da inolaz ere ahaztu,
Irailaren 10ean, kate horiek beren ikuslegoak mantendu nahian zebiltzala, beren
programazio guztia “Condit kasuari” eskeiniz. Gazte baten desagerketarekin
zerikusia zuen Kaliforniako kongresista.