Kontrainformazioa
interneten
Edozein
informazio garrantzitsu ematerakoan, hedabideek ahalik eta azkarren jokatzen
dute notizia emateko orduan baina beti nabaritu da zentsura nagusi bat. Hala
ere, teknologia berriak garatzean, fenomeno hori desagertuz doa, izan ere, orain
hainbat informazio aurkitu daiteke Internet-en eta oso zaila izaten da
kontrainformazio guzti hori kontrolatu izatea. Egileak beti tonu kritikoan
aritzen dira globalizazioaren kontrako mugimenduetan murgildurik.
Irailaren
11-ren atentatuaren ondorioz krisi internazionala sortu da eta EEBBen ustez,
gerra bat. Bistakoa da, informazioari dagokionez, mende honetako gatazka
nagusienak ez duela beste gerrekin inolako zerikusirik.
Golkoko
edo Vietmango gerran, adibidez, gobernuaren partetik propaganda kanpaina
erraldoiak muntatu ziren hedabideak euren kontrolpean izateko eta bere interesen
aldeko iritzi publikoa sortzeko. Gaur eguneko krisi internazional honetan,
antzeko manipulazioak egiteko intentzioak ikusi dira estatubatuarren partetik,
izan ere, argi utzi zuten Bush presidenteak eta bere kabineteek bi momentuetan
bereziki: lehenengoa, munduko hedabide guztiei Ben Laden-en bideoak
zentsuratzeko “aholkua” eman zienean; eta bigarrena, terroristen e-mail-ak
arakatzearen aitzakiarekin FBI-k internet sarea hankaz gora jarri zuenean. Azken
hau inolako arazorik gabe aurrera eramateko internet-en pribatutasun
eskubidearen legedia aldatu zuten, honela sarea guztiz kontrolatuta izanik.
Beraz, berriro ere, EEBBetako “White House”-a munduko informazioaren filtro
nagusia bilakatzen da.
Beste
gerrekin konparatuta gerra honek desberdintasun bat du: internet eta teknologia
berriak. Hauek direla medio EEBBetan gertatutakoaren berri dugu baina modu
zabalago batean.
Lehen
informazioa oso monopolizatuta zegoen baina duela 5-6 urte Internetekin, oso
zaila bilakatu da gobernuentzat sarean mugitzen den kontrainformazioa erabat
kontrolatua izatea. Gaur egun web orri bat egitea eta internet-en jartzea,
zeharo errez bihurtu da. Hau dela eta, hilabete honetako hedabide alternatibo
gehienak, interneten topa ditzakegu. Iturri ofizialei aurre egiten dieten
komunikabide hauek denboraren poderioz gero eta euskarri gehiagotan egiten dira,
momentuz nagusiena telefono kablearen bidezkoa izanik.
Kontrainformazioaz
arduratzen diren orriek .org luzapena
dute, hau da, ez aberasteko erakundeak dira (etekin asmo gabeko erakundeak).
Normalean, globalizazioaren kontrako mugimenduak antolatzeko espazio birtualak
daude, hala nola, manifestazioak egiteko, panfletoak argitaratzeko... Normalean
bere antolatzaileak edo burujabeak gazteak izaten dira, ideologi ezberdinez
tolerantzia erakusten dutenak, ezkerrekoa nagusitzen delarik. Bere web
orrialdeen edukien artean globalizazioaren aurka idazten dutenen autoreen
ekarpenak aurki ditzakegu: Robert Fisk, Michael Albert, Ignacio Ramonet, Noam
Chomsky, Michel Collon... ea.
Hedabide
alternatibo hauek nabarmentzen dituzten beste ezaugarriak hauexek dira: alde
batetik, ikuspegi kritikoa mantentzen saiatzen dira eta bestetik, pentsamendu
antzekoa dutenen ideiak posta elektronikoan jasotzeari garrantzi handia ematen
diote, euren artean nolabaiteko interakzioa sortzea, hain zuzen ere.