Internetek, hedabideek gerra honetan
betetzen duten papera aztertzen du eta hainbat webgune aurki daitezke analisiei,
eztabaidaguneei eta baita informazio alternatiboari buruz.
Irailaren 11az geroztik, Internet,
gertaera honen inguruko informazio mota desberdina lortzeko baliabiderik
garrantzitsuenetariko bat bilakatu da. Gerra honi buruzko hainbat webgune
aztertu eta gero hainbat konklusioetara iritsi gara.
Nahiz eta oraindik laster den azterketa
sakonak egiteko, webgune desberdinetan hedabideen jokaerari buruzko balorapenak
egiten dira, bertan alde eta ikuspegi desberdinetako iritziak aurki
ditzakegularik. Hasiera batean, EEBBetako dorre bikien kontrako atentatu
terroristek inpaktu izugarria sortarazi zuten mundu osoan eta ondorioz,
Internetek ere EEBBen aldeko jarrera hori islatu zuen.
Baina denbora pasa ahala, EEBBen aldeko
jarrera orokor horretatik, jendea, Afganistango egoeraz jabetuta pixkana iritzia
aldatzen joan da eta gerra beste modu batera ikusten da. Hori ere Interneten
islatu da , jadanik, bi alderdien arteko desberdintasuna hain nabarmena ez
delarik.
Foruetan esate baterako,
komunikabideekiko sinesgarritasuna batzuetan zalantzan ipintzen dutela konturatu
gara. Dagoeneko, aurreko beste gerrateei buruzko informazio ugari badago eta
komunikabideak ez direla neutralak eta beti bere interesen alde eta bertako
gobernuaren alde jokatzen dutela konturatzen ari da jendea.
Bestalde,
ugari dira informazio alternatiboa eskaintzen duten webguneak Nolabait, hedabide
indartsuenengatik ahazturik geratzen diren talde txikiei aukera ematen die
pentsatzen dutena adierazteko. Hedabide alternatiboek, mundu globalizatu
honetan, izen handiko hedabideek ematen duten mezu uniformearen eta
errepikatuaren alternatiba bat izan nahi dute.
Honetaz aparte, Interneteko orrialde
batzuk zentsuraren zergatiaren, eraginen eta ondorioen berri ematen dute.
Bestalde zurrumurru asko zabaldu dira hilabete hauetan gerrari buruz eta
orrialde batzuk zurrumurru hauen artean, zeintzuk izan daitezkeen egiazkoak,
zeintzuk faltsuak eta zeintzuk zalantzagarriak esaten dute
Oraindik, goiz da komunikabideen
jokaerak sortuko dituen ondorioak aztertzeko baina hedabideek izugarrizko
indarra dutela ezin uka daiteke. Paper garrantzitsua jokatzen dute eta
Interneten agertzen diren orrialdeak hori islatzen ari dira.
Helbide interesgarriak
http://www.mediamonitors.net/
(kritikoen
analisiak gerrateari buruz)
Wegune honetan, kritikoek beren iritziak
azaltzen dituzte gerrateari buruz. Media
Monitorekoek munduko hedabideek zabaltzen duten propagandaren kontra egiten du.
http://www.Mediachannel.org/atissue/conflict
(hedabideek
krisian duten jokabidea)
Masa
komunikabideek gerrate honetan jokatzen duten papera agertzen da orrialde
honetan.
http://www.client.alexa.com/tvarchive/html
(hedabideek
krisian duten jokabidea)
Webgune
honetan, telebista desberdinetan eman zutena erasoen ostean agertzen da eta
albiste horren zabalkuntza munduko toki desberdinetan: EEBBetan, Britainian
Handian, Mexikon etb...
http://www.csmonitor.com/monitortalk
(eztabaidagunea)
Webgune honetan galdera batzuk
planteatzen dira eta ondorioz bakoitzak dituen iritziei buruz eztabaidatzen da.
http://www.snopes2.com/
(zurrumurruak)
Gerrari buruz zabaldu diren zurrumurruen
zerrenda, zeintzuk diren benetazkoak, zeintzuk faltsuak, zeintzuk
zalantzagarriak etb...
http://www.indymedia.org
(alternatiboa)
Indimedia organizazio independienteen
talde bat da. Hedabide demokratiko bat da, garrantzitsuenaren, zuzenenaren eta
egiaren kontaketaren bidetik doana.
http://www.freemedianetwork.org/about
(alternatiboa)
Media askeen sarea litzateke hau.
http://www.projectcensored.org
(alternatiboa
)
Project Censoreden helbururik garrantzitsuena, gure gizarteko zentsuraren
zabalkuntza aztertzea da.
http://www.conspiracyplanet.com
(informazio
alternatiboa)
Berri alternatiboak aurki daitezke
webgune honetan.
http://www.disinfo.com/forums
(desinformazioa)
Desinformazioari buruzko webgunea da
http://www.oneworld.net/es/noticias/crisis-global
(informazio
alternatiboa)
Oneworlden helbururik garrantzitsuena
hedabide indartsuengatik ahazturik geratzen diren
taldeei aukera bat ematea da.
http://www.aclu.org/safeandfree/index.html
(informazio
alternatiboa)
http://www.afghangoverment.org
Webgune honetan e-mailak bidali daitezke
Burhanuddin Rabbaniri, Afganistango estatu islamiarreko presidenteari eta aldi
berean besteen e-mailak ere irakur daitezke.
http://www.Rebelion.org
(informazio
alternatiboa)
Rebelionek komunikabide alternatibo bat
izan nahi du, ohizko komunikabideentzat garrantzizkoak ez diren albisteak
argitaratuz. Baita ere albisteei ikuspuntu desberdin eta objektibo eman nahi
die. Mundu kapitalistako botere ekonomiko eta politikoek ezkutatzen dituzten
interesak erakusten saiatzen dira.
http://www.alia.com
Webgune hau saiatzen da mundu
globalizatu honetan, masa hedabideek ematen duten mezu uniformearen eta
errepikatuaren alternatiba bat
izatea.
Terrako
foroetan masa komunikabideek duten jarrera aztertzen da.