Hedabide
alternatiboek mezu uniformetik desbideratzen den informazioa eskaintzen dute eta
horietako batzuen berri eman dugu. Webgune horietan aurki daitezkeen ikuspuntu
desberdinen adibideak jarri ditugu.
Komunikazio hedabide
handiek beti istorio berdinak errepikatzen dituzte eta Internet hartzen ari
dira. Horregatik, hedabide alternatiboek, bestelako aukerak eskaintzen
dizkigute, nolabait bestelako istorioak kontatzen dihardute eta egiaren
“ustezko jabeak” direnen ezkutuko kontuen berri ematen digute.
Esate
baterako, Latinoamerikako webgunea dugu, Atarraya proiektua delakoa (www.atarraya.f2s.com/contactos/comunicación.html),
eta honek leku desberdinetako hedabide alternatiboen zerrenda bat eskaintzen
digu:
-
www.alainet.org/index.html.es
-
www.acp.sindominio.net/
-
www.rebelion.org
-
www.monde-diplomatique.fr/
-
www.patriagrande.net
-
www.alternet.org
Patria
grande
izeneko webgunearen intentzioa, esaterako informazio alternatiboa trukatzeko
leku bat bilakatzea da. Orrialde honetan, pertsona bakoitzak bere ikuspuntua
emateko aukera du e-mailen bidez
eta honenbestez alderdi bietako iritziekin topo egin dezakegu.
Adibidez,
Costa Ricatik idazten duen batek, komunikabideen jarrerari buruz hitz egiten du,
hauen jokabidea ikuskizun tamalgarri batekin parekatuz. Bestalde, EEBBetako
boteredunek osatutako fartsa dela adierazten du. Guda, negozio bat dela azaltzen
du, eta pertsona errugabeak hiltzen ditu, beste pertsona batzuen bizitzak
garrantzitsuagoak direla kontsideratuz.
Emakume honen ustez ez da bidezkoa hildako gehiagorekin mendeku hartzea.
Bestaldetik,
kontrako iritziekin ere topa gaitezke. Adibide moduan, baten ustez EEBBak bere
biztanleak defendatzen ari da soilik eta bere iritziz edozein pertsona errugabe
baten bizitzarekin amaitzen denean, Mendekatua izan behar da. Pertsona honek
pentsatzen du EEBBak ez direla biktima errugabeak hiltzen ari, baizik eta merezi
duten pertsonak baizik (talibanak). Jende arruntaren iritzi pertsonalez gain,
autore batzuek ere beren pentsamenduak plazaratzen dituzte.
Beste
hedabide alternatibo bat du honako hau: Alternet. Orrialde honetan EEBBetako
jendeak egoerari buruzko ikuspegi kritikoa azaltzen du, testu batzuen bitartez.
Beste
hedabide bat, alternatiboaren ildotik doana Indymedia da (www.indymedia.org)
. Hedabide independenteen ehundaka kazetariek kobertura ez korporatiboa
eskaintzen dute. Orrialde honetan kazetariek, beren kritikak planteatzen
dituzte, gerrari dagokionez. Artikulu batzuetan, esate baterako zalantzan
ipintzen da informazioaren neutraltasuna, aipatzen baita EEBBetako komunikabide
garrantzitsuenek, Pentagonoan dituztela bulego gehienak.
Beste
artikulu batzuetan, gerraren aurka altxatzen diren ahotsak isilarazten eta
marjinatzen dituztela aipatzen da. Aurkitu ditzakegu baita ere, gerra honek
dakartzan ezkutuko interesei buruz hitz egiten duten artikuluak.
Beste
kazetari batzuk ordea, dorre bikiak erortzen ikusi zituztenean
sentitu zutena azaltzen dute. Beste adibide bat aipatzearren,
interesgarria iruditu zaigu testu batek zioena. Bertan estatubatuar batek
aipatzen du gizarteak bere buruari galdetu beharko liokeela, zergatik
terroristek hainbesterainoko gorrotoa zieten; komunikabide objektibo baten
erantzuna gertakizuna perspektiban jarri beharko litzatekeela da. Ez al zen ba
Belgradoko bonbardaketa ekintza terrorista izan? Eta Honoikoa? Mota honetako
ekintza ugari aipatzen dira testu honetan.Horrelako galderak ez dira inoiz
aurkituko CBS TV Newsen edo New York Timeseko orrialdeetan, ezta Powel, Bush,
Ashcroft edo Rumsfelden ahotik entzungo. Komunikabideek interesatzen zaienari
buruz soilik hitz egiten dute. EEBBek biktimak direnean bakarrik gogorarazten
dituzte bonbardaketak, Pearl Harbourrekoa esaterako oso ondo gogorarazten
digute...
Webgune
oso interesgarria da Indymedia eta bertan informazio ugari aurki daiteke.
Guzti
honekin ondorioztatu daiteke Interneten dauden komunikabide alternatiboetan,
jarrera desberdinak aurki daitezkeela, bakoitzak bere arrazoiak ematen
dituelarik eta azken batean ikuspuntu zabalago bat edukitzeko bidea eskaintzen
du. Hedabide alternatiboek daukaten berezitasun bat da, egoera gatazkatsu baten
aurrean, kate handiek igortzen duten mezu uniformetik aldentzen direla eta
honenbestez, informazio desberdin bat eduki dezakegula.