Heroiak
ala pertsona arruntak?
Joan
den Irailaren 11an ustez erori zen laugarren hegazkinaren ingurukoak tratatzen
ditu artikulu honek. Benetan izan zuen istripua bahitutakoen eta bahitzaileen
arteko liskarraren ondorioz, ala hegazkin militar batek jo zuen, haren helburura
iritsi aurretik?
Kondairak honako hau dio:
Irailaren 11an United Airlineseko abioi bat bahitu zuten. Hegaldi horretako
bidaiariak dagoeneko bazekiten telefono mugikorrei esker bahitutako beste hiru
abioiei gertatu zitzaiena. Horregatik bidaiari heroikoek erabaki zuten. beraiek
ezin baziren salbatu gutxienez aberritasunarekin jokatuko zutela eta terroristen
helburua ziren bizitzak salbatuko zituztela, beraz abioiaren pasilotik aurrera
joan ziren, kabinan sartu (bertan
bahitzaile batek mandoak maneiatzen ari zen) eta borroka egin zuten abioia
erorarazi arte.
Benetan istorio heroikoa, baina
hori gertatu al zen? Askok diote ezetz eta zantzuak badaude hori frogatzeko.
Baina George W. Bush, John Ashcroft, FBIko buruzagia eta beste autoritate ugari
93 hegaldiko “heroiak” jada omendu dituzte eta heroien bertsio hori behin
eta berriro errepikatu eta defendatu dute.
Berdina egin dute egunkari nazional garrantzitsuenek eta telebista kate
handiek. The New York Times irailaren
22an argitaratu zituen hitz zehaztugabe hauek:
“Nahiz eta irudi garbi eta osorik
ez aurkeztu zalantzarik gabekoa dirudi aurka egite kaotiko bat egon zela
eta honek abioiaren erorketa eragin zuela”. Hori argitaratu zuten iturri
ofizial anonimoen bitartez jasotako informazioan oinarrituta. Iturri honek esan
zien soilik abioiaren kabinako grabagailuek borroka basati bat erregistratu
zuela.
Vanity Fair, datu gehiagorekin
xehetasunez beteriko erreportai bat argitaratu zuen
eta kontaketa, aldizkariaren esanetan “gogoratu ahal izango da heroismo
istoriorik handienetarikoa bezala”. Hala ere, aldizkari honek aitortu zuen
abioia erortzearen kausen
definizioan guztiak zirela susmoak.
Bi hilabete geroago Newsweekek
lortu zuen grabaketa horretako zati baten transkripzioa zena, edo hori esan
zuten , eta horretatik abiatuta 93
hegaldiko heroien istorioa kontatu zuen, xehetasun gehiagorekin, hunkigarriago
eta Vanity Fair modu
hollywoodiar batean. Bidaiariak “soldadu zibilak ziren eta bere
arbasoek bezala altxatu ziren tiraniari aurre
egiteko” zioen aldizkariak. Beren erronkarekin eta heriotzarekin bidaiariek
eta tripulazioa guztiontzako garaipena lortu zuten”.
Kondaira bat sortu da eta asko
dira beste bertsiorik sinisten ez dutenak. Heroien istorioa politagoa da eta
gehiago saltzen du. Badago abeslari bat, Neil Young alegia, 93 hegaldiko
bidaiariei abesti bat eskeini diena ere eta “Let`s roll” (mugi gaitez)
izenburua ipini dio. Agian benetan horrela gertatu zen, bidaiari batzuk telefono
mugikorrez egin zituzten deietan zerbait egiteko intentzioa zutela komunikatu
zieten familiarrei. Baina iritsi ote ziren hori egitera? Inork daki edo
jakitekotan kabinako grabagailutik ateratako material osoa entzun dutenek
jakingo dute.
Erantzun gabeko galdera
garrantzitsuak daude eta komunikabide nazionalek badirudi horiek planteatzeko
intentziorik ez dutela. Teoria alternatiboak honako hauek dira: 93 hegaldiko
abioia EEBBetako gobernuko abioi batek lurrera bota zuela eta bestea, bonba bat
lehertu zela abioiaren barruan. Armada iparamerikarraketa FBIak bi teoria horiek
ezeztatu ditu.
Zantzu ugari daude abioia beste
arrazoi batzuengatik erori zela pentsatzera eramaten gaituztenak eta
autoritateek horien aurrean ez dute azalpen garbi eta zehatzik eman. Gauzak
horrela badaude, batzuk gobernuak
Egia manipulatzen ari dela publiko iparamerikarrari bilatzen duena emateko
esaten dute
Zer gertatu ote zen benetan
abioiarekin? Bidaiariak heroiak ziren ala jende arrunta beldurrarekin? Heroien
istorioa egia bada zergatik hainbeste kontraesan? Frogak badaude zergatik ez
dituzte erakutsi? Gaur eguneko gizartean askotan komunikabide ezberdinetan gauza
bera entzutean frogatutzat ematen dira gauzak. EEBBetako komunikabideek heroien
istorioa aldarrikatu dute non-nahi eta kondairaren aurrean beraz, gutxi izango
dira beste aukerak aztertzen arituko direnak.
Wally Miller, epai lokala,
ezbeharra gertatu zen lekuan froga gehien aztertu dituena da eta 93 hegaldiko
abioia eraisteko agindua eman zela
azaltzen du, “ Nik ez dut ezer baztertzen” dio.
Gaur egun oso heroi gutxi
agertzen dira eta agertu den informazio zehaztugabea ikusita gu bertsio
alternatiboarekin gelditzen gara eta heroiak zinemarentzat uzten ditugu.