Graduaren egitura orokorra. Derrigorrezko ikasgaiak.

Informatika Ingeniaritzako Graduaren egitura, ikasmailaren eta seihilekoaren arabera (240 kreditu; ikasgai guztiak 6 kreditukoak dira).

Lehenbiziko eta bigarren ikasmailetako ikasgaiak, eta hirugarreneko beste bi, derrigorrezkoak dira. Espezialitatearen (edo berariazko teknologiaren) zortzi ikasgaiak hirugarren ikasmailan egin behar dira. Gainerako hautazko ikasgaiak eta Gradu Amaierako Proiektua (12 kreditu) laugarrenean egingo dira.

12 kredituraino baliozkotu edo konbalidatu ahal izango dira enpresetan egindako praktiken bidez, eta 6raino aukera askeko jarduera osagarrien bidez.

Hirugarren ikasmailako hiru espezialitateen ikasgaiak

Berariazko teknologiako 48 kredituko hiru espezialitateen edukia. Bloke oso bat (8 ikasgai) aukeratu behar da, hirugarren mailan (hautazko ikasgai solte gisa ere hartu daitezke, laugarren mailan).

Laugarren ikasmailako hautazko ikasgaiak

Laugarren ikasmailako hautazko ikasgaiak, jakintza-arloaren eta seihilekoaren arabera; ikasgai hauetatik gehienez zortzi (edozein) hartu daitezke. Espezialitateetako ikasgaiak ere hautazko ikasgai gisa egin daitezke.