Informatika Ingeniariek lortuko dituzten gaitasunen artean daude problema informatiko oso desberdinei soluzio egokiak ematea, proiektu informatikoak planifikatzea eta zuzentzea, eta abar. Ikasitako hautazko ikasgaien arabera, berariazko gaitasunak gehituko dizkie gaitasun orokorrei, haien artean:

• Sistema digitalak, komunikaziokoak, konputagailuak... diseinatzea eta eraikitzea, eta haien kalitatea eta segurtasuna kudeatzea.

• Jarduera berezietarako prozesadoreak eta kontroleko sistema txertatuak eta haien softwarea garatzea.

• Mota askotariko konputagailu-arkitekturak, sistema paraleloak eta sistema banatuak analizatzea eta programatzea, eta haientzako softwarea diseinatzea eta optimizatzea.

• Sistema-softwarea eta komunikazio-softwarea diseinatzea eta sortzea, baita konputagailusareak diseinatzea eta kudeatzea.

• Konputazioaren eta programazio-lengoaien ereduak sakonki ezagutzea, sistema informatiko berrietan erabili ahal izateko.

• Problemen konplexutasuna ebaluatzea, eta problemak ebazteko estrategia algoritmikoak proposatzea.

• Sistema adimendunen paradigmak eta teknikak ezagutzea.

• Pertsonen eta konputagailuen arteko elkarrekintzarako sistemak garatzea eta ebaluatzea

• Multimedia sistemak eta animaziozko aplikazioak diseinatzea.

• Giza ezagutza formalizatzea eta adieraztea, eta konputagailuen bidezko ikasketa teknikak garatzea eta teknika horiek erabiltzen dituzten sistemak sortzea.

• Erabiltzailearen betebeharrak eta kalitate-arauak betetzen dituen softwarea sortzea, mantentzea eta ebaluatzea, software-ingeniaritzaren metodoak erabiliz.

• Bezeroen beharrak identifikatzeko eta behar horietarako softwarearen ezaugarriak adierazteko ahalmena.

• Sor daitezkeen balizko arriskuak identifikatzea, ebaluatzea eta kudeatzea.

• Domeinu batean edo gehiagotan egokiak diren soluzioak diseinatzea, aspektu etikoak, sozialak, legalak eta ekonomikoak kontuan hartuz.