AURRIZKIBIDEA

Euskal aurrizkiak

Erdal aurrizkien ordainak

Ondorioak

Ondorioak

1. Behin baino gehiagotan erdal aurrizkidun formaren ordez euskaraz hitz bakarra aurkituko dugu, hizkuntzan aspalditik errotua. Ez dago, beraz, erdaraz aurrizkia dugun bakoitzean euskaraz ere pareko egituretara jo beharrik (subterfugio: ihesbide, ezkutaleku).

2. Euskaraz ordaina sortzekotan, lehenik kontuan hartu beharrekoa honakoa da: euskaraz tradizioa duten egiturek zein kategoria duten eta zein kategoriarekin elkartzen diren. Honen ondoren, noski, erdal hitza zein kategoriatakoa den eta aurrizkia zein kategoriari erantsi zaion. (‑gabe‑z, adibidez, izenondoak baizik ezin dira sortu).

3. Aurrizkiak erdaraz adiera bat baino gehiago izan dezakeenez, guztietarako ordain bakarra egoki ez izatea gerta daiteke (subgrupo : azpitalde, subarriendo: berrakura).

4. Ahal dela, euskal egiturara jotzea hobe, nahiz beti izan mailegua osorik hartzeko aukera. Alde honetatik, euskaraz errotua aditz esapidea bada, ez dago zertan bazterturik itzulinguru den aitzakian (sobrevivir : bizirik iraun eta ez superbizi).

5. Besterik ezean, edo euskal ordaina oso konplikatua gertatzen denean, mailegura jo (inkonstituzionaltasun).