Egitura metalikoen eta hormigoizko egituren diseinurako oinarriak deskribatzen dira. Egituren teoriaren, materialen eta eraikuntzako ezagutzak biltzen ditu eta, era berean, espezialitateko gaitasunak garatzeko oinarrizkoa da.



GAITASUNAK:

MO2CM06 - Hormigoi armatuzko egituren eta metalezko egituren portaeraren oinarriei buruzko ezagutzak, eta halako egiturak asmatu, proiektatu, eraiki eta mantentzeko gaitasuna.



GAITASUN OROKORRAK:

MEC1: Ikasleek frogatzea espezialitateko moduluan landutako gaiak bereganatu eta ulertu dituztela, aurretik zekitenetik abiatuz.

MEC2: Beren espezialitateko problema espezifikoak ebaztea, modu arrazoituan, eta oinarrizko moduluan nahiz adarreko modulu komunean eskuratutako ezagutzak erabiliz.

MEC4 (idatzia): Iritziak eta irakasgaien gaineko gai espezifikoak ziurtasunez, erraztasunez eta modu egituratuan azaltzea idatziz.

I. BLOKEA: EGITURA METALIKOAK



1. gaia. Altzairua eraikuntzako material moduan. Aplikatu beharreko araudia. Propietateak eta saiakuntzak. Altzairu motak.

2. gaia. Kalkulurako oinarriak. Akzio karakteristikoak eta kalkulurako akzioak. Egoera limiteak. Kalkulurako metodoak.

3. gaia. Konpresioa jasaten duten elementuak. Konpresio sinplea, makurdura-konpresioa, esfortzu ebakitzailearen eragina. Pieza errealen gilbordura.

4. gaia. Makurdura jasaten duten elementuak. Kalkulua AEL-an. Kalkulua ZEL-an.

5. gaia. Soldatutako eta torlojuz estututako loturak. Lotura motak. Soldatutako loturak. Torlojuz estutuako loturak.

6. gaia. Ainguraketa plakak. Aurredimentsionaketa. Kalkulurako irizpideak. Akzioen ikasketa.





II. BLOKEA. HORMIGOIZKO EGITURAK



1. gaia. Sarrera. Masa-hormigoia eta hormigoi armatua. Sarrera. Osagaiak. Propietateak. Dosifikazioa.

2. gaia. Kalkulurako oinarriak. Akzioak. Materialen erresistentzia. Balio karakteristikoak eta kalkulurako balioak.

3. gaia. Azken Egoera Limiteak eta Zerbitzuko Egoera Limiteak. AEL motak. ZEL motak.

4. gaia. Itsaspeneko egoera limite azkena. Barra uzkurtuen ainguraketa. Ainguraketa luzerak. Aplikazio adibideak.

5. gaia. Azken Egoera Limitea indar normalen aurrean. Tentsio-deformazio diagramak. Deformazio eremuak. Oreka ekuazioak.

6. gaia. Makurdura bakuna jasaten duten sekzioak. Kalkulua makurdura bakunean. Armaduren antolakuntza. Adibideak.

7. gaia. Makurdura konposatua jasaten duten sekzioak. Kalkulua makurdura konposatuan. Armaduren antolakuntza. Adibideak.

8. gaia. Esfortzu ebakitzailea jasaten duten sekzioak. Esfortzu ebakitzailearen aurreko erresistentzia. Armaduren antolakuntza. Adibideak.

9. gaia. Zerbitzuko Egoera Limitea pitzaduren aurrean. Frogapen irizpideak. Pitzaduren irekiduraren kalkulua. Adibideak.

Klase magistraletan irakasleek irakasgaiari buruzko azalpenak emango ditu. Gelako praktiketan ariketak egingo dira. Egitura metalikoen blokean, ikasleek egin beharreko lan bat proposatuko da.



Osasun egoerak aurrez aurreko irakaskuntza edota ebaluazioa eragotziz gero, onlineko jarduerara joko da eta ikasleei aldaketa horren berri emango zaie.

1. Aukera: Azterketa finala



• Azterketa finala ohiko deialdirako ezarriko den datan egingo dena.



NOTA: Azterketa finalak bi bloke izango ditu: egitura metalikoei dagokion 1. blokea (B1) eta hormigoizko egiturei dagokion 2. blokea (B2). Ikaslearen nota finala media geometrikoaren bitartez lortuko da.



Ikasleak aukera izango du bere egitura metalikoko blokeko nota (B1) proba idatzian zuzenean lortutakoa izan dadin, edo egitura metalikoko blokeko nota (B1) azterketatik eta egin beharreko lanetik lortutako ponderazioa izan dadin. Kasu horretan, idatzizko probak % 75eko pisua izango du, eta lanak % 25ekoa. Kasu horretan, idatzizko proban 10etik 4 lortu beharko da haztapena egiteko.





2. Aukera: Ebaluazio jarraia



• Bi azterketa partzial.

- Lehen partziala: egitura metalikoen 1. blokeari (B1) dagokiona. Azterketa partzial hau lehen lauhilabetearen 8. astean egingo da, behin dagokion materia eman denean.



Egitura metalikoko blokeko nota (B1) azterketatik eta egin beharreko lanetik lortutako ponderazioa izango da. Idatzizko probak % 75eko pisua izango du, eta lanak % 25ekoa. Idatzizko proban 10etik 4 lortu beharko da haztapena egiteko



- Bigarren partziala: hormigoizko egituren 2. blokeari (B2) dagokiona. Irakasgaiaren ohiko deialdirako ezarriko den datan egingo da.



NOTA: Ikaslearen nota finala media geometrikoaren bitartez lortuko da.





Argibideak:



Ikasleen Ebaluaziorako Arautegiaren 8.3 artikuluaren arabera, "ikasleek eskubidea izango dute azken ebaluazio bidez ebaluatuak izateko, etengabeko ebaluazioan parte hartu zein ez hartu. Eskubide hori baliatzeko, ikasleak etengabeko ebaluazioari uko egiten diola jasotzen duen idatzi bat aurkeztu beharko dio irakasgaiaren ardura duen irakasleari eta, horretarako, bederatzi asteko epea izango du lauhilekoko irakasgaien kasuan, ikastegiko eskola egutegian zehaztutakoarekin bat lauhilekoa hasten denetik kontatzen hasita".



Halaber, aipatutako arautegiaren 12.1 artikuluaren arabera "Etengabeko ebaluazioaren kasuan, deialdiari uko egin nahi dioten ikasleek kasuan kasuko irakasgaiaren irakaskuntza aldia bukatu baino, gutxienez, hilabete lehenago egin beharko dute eskaria. Eskari hori idatziz aurkeztu beharko zaio irakasgaiaren ardura duen irakasleari".



Hortaz, lehen azterketa partzialera ez aurkezteak ebaluazio jarraiari uko egitea suposatuko du, hau da, 2. aukeraren bidezko ebaluaketa sistemari uko egitea.





UKO EGITEA: ebaluazio egun ofizialean frogara ez aurkeztean deialdiari automatikoki uko egiten zaio.





Ebaluazioaren arloan ikasleen kode etikoa hausten bada, irakasgai osoa ebaluatzeko prozesutik behin betiko kanporatuko da, irakasgaiaren kalifikazioa 0.0 izango da eta diziplina-espedientea irekiko da.

Klaseko apunteak

Oinarrizko bibliografia

I blokea. Egitura metalikoak

- CTE (Código Técnico de la Edificación, Eraikuntzaren Kode Teknikoa)

- Arguelles, R., Arguelles, J.M., Arriaga, F., Atienza, J.R., "Estructuras de Acero. Cálculo. 2ª edición".





II blokea. Hormigoizko egiturak

- Código Estructural 2021

- Jimenez, P., García, A., Morán, F. "Hormigón Armado. 14ª edición". Gustavo Gili. Barcelona. 2000.

Gehiago sakontzeko bibliografia

I blokea. Egitura metalikoak
- Monfort, J., Pardo, J. L., Guardiola, A. "Problemas de Estructuras Metálicas". Universidad Politécnica de Valencia. 2002.

II blokea. Hormigoizko egiturak
- Serrano, M. A., "Diseño de Elementos de Hormigón Armado. Problemas resueltos de acuerdo con EHE". Bellisco. Madrid. 2002.

Aldizkariak

.