1.-Ezagutzea zer funts linguistiko, psikolinguistiko eta soziolinguistikotan hartzen duen oinarri hizkuntzaren didaktikak, egoerak eta gertakariak analizatzeko lehen eta bigarren hizkuntzen didaktikan. (C1, C3)



1.1.-Ezagutzea eta azaltzea oinarrizko kontzeptuak hizkuntzaren didaktika teorikoki funtsatzeko.

1.2.-Hautatzea metodologiarik egokiena hizkuntzaren didaktikarako, gelako beharrizanen arabera eta eskola-curriculumaren markoan.

1.3.-Bilatu eta hautatzea informazio bibliografikoa funtsatze teorikorako.



2.-Gogoeta egitea nolako eragina izan dezakeen anitz-eleko egoerak eskolaren eta ikasgelaren testuinguruan (C1, C2)

-Hizkuntz-ukipeneko egoerak analizatzea

-Ezagutzea eskolako instituzioari zer-nolako desafioak datozkion, anitz-eleko egoeretatik etorrita.

-Oinarrizko jardunbideak proposatzea hizkuntza ez ofizialak dituzten ikasleak ikasgeletan integratzeko.



3.- Erdiestea jakintza funtsatua eta gogoetan oinarritua hezkuntza elebiduneko eta eleanitzeko programez, aintzat harturik nolako hizkuntz eta kultur aniztasuna den eskolan.

3.1.-Informazioa hautatzea eta integratzea, ezagutzeko inguruko errealitate soziolinguistikoaren zein faktorek eta nola eragiten duten heziketa-testuinguruan.

3.2.-Bereiztea parametro jakin batzuen arabera hezkuntza elebiduneko eta eleanitzeko programak



4.-Komunikazio konpetentziak garatzea Autonomi Erkidegoko bi hizkuntza ofizialetan (C5)

4.1-Hizkuntza koherentziaz, zuzentasunez eta egokitasunez erabiltzea, ahoz eta idatziz.

4.2.-Bereiztea komunikazio konpetentzian osagai diren alderdiak, ikasgela praktikan.



5.-Aldeko jarrerak sortzea hizkuntzez, pertsona elebidunez eta irakaskuntza elebidunaz eta eleaniztunaz, oharturik nolako onurak eta zailtasunak diren horietan, lanbideko jardunean aritzeko.

5.1.-Hizkuntza guztien eta haien hiztunen aurrean adieraztea errespetua, balioespena eta aintzatespena.

1. Hizkuntzaren didaktikaren oinarri teorikoak

1.1.- Funtsatze linguistikoa

1.2.- Funtsatze psikolinguistikoa

1.3.- Funtsatze soziolinguistikoa



2. Hizkuntzak eskolan

2.1. Hizkuntzaren didaktika testuinguru eleaniztunetan

2.2. Hezkuntza elebiduneko eta eleaniztuneko programak

2.3. Testuinguru eleaniztuneko hezkuntzaren beste alderdi batzuk

IRAKAS METODOLOGIA ETA FORMAZIO JARDUERAK:



Eskola magistralak eta gela praktikak konbinatzen dira. Biek eskatzen dute ikasleen parte hartze aktiboa, kolaborazio jarduna eta edukiei buruzko gogoeta, eta baita ikasleak berak hartzea bere ikasketa prozesuaren erantzukizuna.





JARDUEREZ ETA METODOLOGIAZ



Eskola magistrala:

- Edukien azalpena, analisia eta eztabaida

- Dudak argitzea





Gela praktikak:

- Testuen irakurtze kritikoa

- Ikus-entzunezko materiala analizatzea

- Atazak egitea

- Hainbat ikas-materialen analisia, euskarri ezberdinetan

- Lanak ahoz aurkeztea



Mintegiak:

- Ikasleek lanak azaltzea, analizatzea eta eztabaidatzea, norabidean irakasleak lagunduta



Tutoretzak:

- Dudak argitzea

- Lanak gidatzea



Gelaz kanpokoa:

- Ikaste lana

- Bakarkako edo taldekako lanak egitea

- Testuak kritikoki irakurtzea

- Bibliografia eta intereseko beste material batzuen bilatzea



OHARRA: Osasun egoeraren edota ez-ohiko bestelako egoeraren baten ondorioz bertaratzea murriztu beharko balitz, unibertsitateak ezarritako jarraibideen arabera egokituko lirateke irakasgaiaren metodologia eta ebaluazioa, eGela eta Webex bezalako tresnak erabiliz.

Ikastegien testuingurua, irakaskuntza modalitateak edota diziplinarteko moduluko lana kontuan hartuz, ikastegi bakoitzak bere ebaluazio sistema zehatza du. Donostiako Irakasle-Eskolan (HEFA II) irakasgai honen kalifikazioa honela osatuko da:



-Moduluko lana (% 20)

-Azterketa (% 50)

-Taldekako lanak (% 30)



Irakasgaia gainditzeko ezinbestekoa da ebaluazioa osatzen duten atal guztiak gainditzea.



Irakasgaia gainditzeko ezinbestekoa da hizkuntza koherentziaz, zuzentasunez eta egokitasunez erabiltzea, ahoz eta idatziz.



Osasun egoeraren edota ez-ohiko bestelako egoeraren baten ondorioz bertaratzea murriztu beharko balitz, unibertsitateak ezarritako jarraibideen arabera egokituko lirateke irakasgaiaren metodologia eta ebaluazioa, eGela eta Webex bezalako tresnak erabiliz. Dena dela, irakasgaiaren kalifikazio tresnak eta ehunekoak bere horretan mantenduko lirateke: Moduluko lana %20, taldekako lanak %30 eta azterketa %50.





Arrazoi desberdinengatik ebaluazio jarraituaren sistema segitu nahi ez duten ikasleek, beren nahia adierazi behar diote irakasleari, idatziz, irakasgaiaren 9. astea baino lehen. Hartara, eskubidea izango dute azken ebaluazio sistemaren bidez ebaluatuak izateko, ikasgaiaren %100eko balioarekin.



Ikasleak aurkeztu dezake eskaria deialdi bati uko egiteko, eskari hori ikasgaiko irakasleari idatziz helaraziz, beranduenez azterketa garai ofiziala hasi baino 10 egun lehenago.

- Irakurketak
- Eskoletako materialak eta dokumentuak
- eGela
- Ordenagailua

Oinarrizko bibliografia

AMENGUAL, M., JUAN, M. y SALAZAR, J. (2008). Adquisición y enseñanza de lenguas en contextos plurilingües: ensayos y propuestas aplicadas. Illes Balears: Edicions UIB.



BRONCKART, J. P. (1993): Hizkuntzaren zientziak: irakaskuntzarako desafioa?, Donostia: HABE.



BRONCKART, J. P. (2007): Desarrollo del Lenguaje y Didáctica de las lenguas. Buenos Aires: Miño y Dávila.



CUMMINS, J. (2002). Lenguaje, poder y pedagogía: Niños y niñas bilingües entre dos fuegos. Madrid: Morata.



HUGUET, A. y MADARIAGA, J. M. (2005). Fundamentos de educación bilingüe. Bilbo: UPV-EHU.



SIGUAN, M. y MAKEY, W. F. (1986). Educación y bilingüismo. Madrid: Santillana/UNESCO.

Gehiago sakontzeko bibliografia

BESALU, X. (2002). Diversidad cultural y educación. Madrid: Síntesis.

ETXEBERRIA, F. (2005). Elebitasuna eta hezkuntza euskararen herrian. Donostia: Erein.

LASAGABASTER, D. y SIERRA, J. M. (2005). Multilingüismo y multiculturalismo en la escuela. Cuadernos de Educación. ICE. Barcelona: Horsori.

MORENO RIOS, S. (2005): Psicología del desarrollo cognitivo y adquisición del lenguaje. Madrid: Ed. Biblioteca Nueva.

RICHARDS, J. C. y RODGERS, T. S. (1998): Enfoques y métodos de enseñanza de idiomas. Madrid: Cambridge University Press.

SERRA, M., SERRAT, E., SOLÉ, R., BEL, A. y APARICI, M. (2000): La adquisición del lenguaje, Barcelona: Ariel psicología.

UNAMUNO, V. (2003): Lengua, escuela y diversidad sociocultural. Barcelona: Graó.

Aldizkariak

- Bat. Soziolinguistika aldizkaria
- Tantak
- Textos
- HIK HASI
- Cuadernos de Pedagogía