A) Haur Hezkuntzako testuinguruan agertzen diren testuak erabili, sortu eta prozesatzea.

B) Hizkuntza gaitasuna hobetzea bi hizkuntza ofizialetan egoki erabiltzeko lan eremuan.

C) Eskolaren inguru soziokulturalean eta eskolako familiekin elkarrekintzan aritzeko beharrezkoak diren gizarte eta komunikazio-gaitasunak garatzea.

D) Hizkuntzarekin lotutako gaitasunak berariaz landu, ebaluatu eta kontuan hartuko dira; hortaz, ikasgaiko lan, zeregin eta jarduera guztietan ez dira onartuko ulermena oztopatzen dituzten akats larriak.

1.- GAIA. HIZKUNTZA TREBETASUNAK ETA HAIEN ARTEKO HARREMANAK. AZPIAN DIREN PROZESU KOGNITIBOAK.

Hizkuntza trebetasunen azpian diren prozesu kognitiboak - hitz egin, entzun, irakurri eta idatzi-, trebetasunen arteko harremanak, eta haietaz aritzeko beharrezkoak diren kontzeptuak ulertzea, horiek guztiak tresna gisa hartuz, komunikazioan hizkuntza nola erabiltzen den aztertzeko.



2.- GAIA. ESKOLA EREMUKO AHOZKO ETA IDATZIZKO TESTUEN BEHAKETA ETA AZTERKETA, ERATZEN DUTEN OSAGAI TESTUALEI ETA TESTUINGURUKOEI ERREPARATUZ.

Etorkizuneko irakasleen hizkuntzaren jabekuntza/hizkuntza-gaitasunaren garapena honakoetan oinarritu behar da: eskola eremuko testuak behatzea, ekoiztea eta aztertzea era sistematikoan, berariaz arreta ipiniz osagai testualei eta zehazten dituzten testuinguruko ardatzei.



3.- GAIA. TESTU-ANALISI ETA EKOIZPENA IRAKASKUNTZAN.

Komunikazioa gelan eta gelaz kanpoko eremuko egoeratan oinarrituko da.

3.1.- Komunikazioa irakas-esparruan: diskurtso didaktikoa, input egokitua, irakurketa ozena, dramatizazioia.

3.2. Komunikazioa eskolan: elkarrizketak gurasoekin, txostenak, eginkizunen memoriak, elkarrizketak lankideekin.



(gaitegi zehatzagoa izateko ikus fakultate bakoitzeko ikasgaiaren gida)

Metodologia eragilea izango da neurri handi batean; edonola ere, parte-hartzailea, lankidetzan eta hausnarketan oinarrituta, teoria eta praktika elkarren artean lotuz.

Hori dela eta, irakaslea, eta ikasleak ere, eduki-multzoak garatuz joango dira eta aurkezpenen bidez elkarrizketak, eztabaidak eta iritzi ezberdinak sorrarazi nahi dira.

Arlo praktikoan ikasleak bakarkako lanak edo talde-lanak ere egingo ditu. Talde-lana eta lankidetza bereziki garrantzizkoak izango dira; beraz, errespetua, konfiantza eta tolerantzia giroa agertuko du ikasleak aurkezpen eta eztabaidetan.

Irakasleak, batzuetan, e-gela plataforma erabiliko du apunteen gidoiak eta beste baliabide batzuk ikasleen eskura egoteko.

Jarduerak eta ariketak:

-Ahozko, idatzizko eta ikus-entzunezko testu eta materialen irakurketa eta ekoizpena, batzutetan kasuen analisiak edo diskurtsoaren analisia ere egingo da.

-Gai zehatzei buruzko bilaketa, lanketa eta hausnarketa lana egingo da.

-Eztabaidak gelan talde handian zein bilerak edo simulazioak talde txikitan.

-Aurkezpenak: ahozko jarduerak erregistro desberdinetan, (baita irakurketa ozena ere).

Graduko ikasketen gestio arautegiko 43. artikuluaren ildotik, irakasgairako bi ebaluazio mota eskaintzen dira:

1. Ebaluazio jarraitua edo etengabeko ebaluazioa (modalitate gomendatua). Azken nota honela banatuko da:

- Klaseko ariketak: %10

- Talde lana: %40

- Banakako proba idatzia: %30

- Moduluko lana: %20



Bai idatzizko proba, bai aurkeztu beharreko lan guztiak nahiz moduluko lana gainditu beharko dira ikasgaia gainditu ahal izateko.



Ikasle orok uko egin diezaioke ebaluazio deialdiari, irakaskuntza honi dagokion irakasleari errenuntzia idatzia aurkezten badio, beti ere azterketa garaia hasi baino hamar egun lehenago.



2. Azken ebaluazioa: Ikasleek eskubidea izango dute azken ebaluazio bidez ebaluatuak izateko, etengabeko ebaluazioan parte hartu zein ez. Eskubide hori baliatzeko, ikasleak etengabeko ebaluazioari uko egiten diola jasotzen duen idatzi bat aurkeztu beharko dio irakasgaiaren ardura duen irakasleari lauhilekoaren lehen 9 asteetan (Ikasleen Ebaluaziorako Arautegia-8.3 artikulua). Azken ebaluazioa aukeratzen duten ikasleen nota honela banatuko da:

- Banakako proba idatzia: %30

- Banakako lanak: %50

- Moduluko lana: %20



** Zeinahi ebaluazio sistema aukeratzen delarik ere, irakasgaia gainditu ahal izateko ikasleak frogatu beharko du (gelan egiten diren ariketa, lan ebaluagarri, moduluko lan edo/eta azterketan) B2 hizkuntza maila duela; horri dagokionez, idatziz nahiz ahoz zuzen eta egoki aritzea ezinbesteko baldintza izango da irakasgaia gainditu ahal izateko.

-Ordenagailua
-Ikus – entzunezkoak
-Testuliburuak, apunteak, erreseinak, lanak, audio eta bideo grabazioak
-E-gela

Oinarrizko bibliografia

Albaladejo, Marta. (2010). Cómo decirlo. Entrevistas eficaces en el ámbito educativo. Graó

Bourdieu, Pierre. (2008). ¿Qué significa hablar? Economía de los intercambios lingüísticos. Akal.

Castellà, Josep M.; Comelles, Salvador ; Cros, Anna eta Vilà, Montserrat. (2007). Entender(se) en clase: estrategias comunicativas de los docentes bien valorados. Graó

Cazden, Courtney B. (1991). El discurso en el aula. El lenguaje de la enseñanza y del aprendizaje. Paidos/MEC

Eizagirre, Estitxu. (2010). “Ramón Flecha: kalitatezko hezkuntza denontzat”. Larrun 146. Argia.

Esteve, Olga. (2009). “La interacción, un proceso que implica conversar”. Cuadernos de pedagogía 391, 56-59

Etxebarria, Aintzane eta Garai, Urtza. (2010). “Irakasleen komunikazio-gaitasuna: hausnarketarako gaia”. Uztaro 73, 39-48

Ezeiza, Joseba (koord) (2009). Unibertsitateko komunikaziorako gaitasunen eskuliburua. EHU, Euskara institutua

Gartzia, Joxerra (2008). Jendaurrean hizlari. Alberdania.

Gartziarena, Agurtzane. (2004). Euskararen araugintza, arauak eta hiztegi batua: ariketak eta ebazpenak. IKA

Jover, Guadalupe eta García, Jesús María. (2009). Hablar, escuchar, conversar: teoría y práctica de la conversación en las aulas. Octaedro

Sanz Pinyol, Gloria. (2005). Comunicación efectiva en el aula. Técnicas de expresión oral para docentes. Graó

Tusón, Amparo. (2006). Análisis de la conversación. Ariel

Vilà, Montserrat. (2005). El discurso oral formal. Graó

Wells, Gordon. (2001). Indagación dialógica. Hacia una teoría y una paráctica socioculturales de la educación. Paidos

Zabala Alberdi, Josune (2018). Ahozko komunikazioa irakastea. Norabide bat ahozko hizkuntzaren argitan. Soziolinguistika klusterra.

Gehiago sakontzeko bibliografia

Albaladejo, Marta. (2007). La comunicación más allá de las palabras. Graó
Askoren artean. (2010). Administrazioko testugintzan sakontzeko ikastaroa. IVAP/Mondragon Unibertsitatea.
Bourdieu, Pierre. (2008). ¿Qué significa hablar?Economía de los intercambios lingüísticos. Akal.
Calsamiglia, Helena eta Tusón, Amparo. (2007). Las cosas del decir. Manual de análisis del discurso. Ariel
Euskaltzaindia. (2010). Hiztegi batua. Elkar.
Mercer, Neil. (2001). Palabras y mentes: cómo usamos el lenguaje para pensar juntos. Paidos
Ruiz Bikandi, Uri. (apail.). (2009). Bigarren hizkuntzaren didaktika Haur eta Lehen Hezkuntzan. EHU
Studer, Jurg. (2002). Guía práctica de oratoria: hablar, exponer, convencer. El Drac.
Sarasola, Ibon. (1998). Euskara batuaren ajeak. Alberdania
Van Dijk, Teun. (2000). El discurso como interacción social. Gedisa
Zuazo, Koldo. (2000). Euskararen sendabelarrak. Alberdania

Aldizkariak

Cuadernos de Pedagogía
Hik Hasi
Textos de Lengua y Literatura
Tantak
Jakin
ARTICLES de Didáctica de la Llengua i de la Literatura, nº 54, abril 2011: “la llengua més enllà de les classes de llengua”
MARTÍ, J. (2012) “2. Aprender a investigar: las preguntas/ las explicaciones científicas como narraciones”. Aprender ciencias en la Educación Primaria. Graó.
PEDRINACI, E. (2012) “Idea clave 7. Aprender ciencias es, en buena medida, aprender a leer, escribir y hablar ciencia”. PEDRINACI, E. (coord.) 11 ideas clave. El desarrollo de la competencia científica. Graó.