Ikasgaiaren gaitasun espezifikoak:

1. gaitasuna. Ekonomia eta enpresa arloko literatura eta dokumentazioa bilatzea eta

horiek aztertzea eta interpretatzea.

2. gaitasuna. Ekonomia eta enpresa arloko txosten teknikoak egitea eta aurkeztea.

3. gaitasuna. Ekonomia eta enpresa arloko gaien inguruan azalpenak, argibideak eta

aholkuak ematea, komunikazio-testuinguruaren eskakizunak aintzat hartuta.

4. gaitasuna. Ekonomia eta enpresa arloko arazoei aurre egiteko bideak adostea,

aurkeztea eta argudiatzea, elkarlana baliatuta.

5. gaitasuna. Ekonomia eta enpresa arloko komunikazio, dokumentu eta protokolo

profesional ohikoenak ezagutzea eta aise baliatzea.



Enpresen Administrazio eta Zuzendaritzako graduko gaitasun hauekin dugu loturarik estuena:



-Ikasleak gai izatea idatziz nahiz ahoz erraztasunez komunikatzeko. (zeharkakoa)



-Eskura dauden baliabideak eraginkortasunez esleitzea, informazio- eta komunikazio-teknologiak ikasketetan eta inguru profesionalean erabiliz. (orokorra)



-Txostenak modu argian eta zentzuzkoan egitea, bidaltzea eta aurkeztea, publiko espezializatuari nahiz ez-espezializatuari, erabakiak zuzen hartzea errazten duten enpresaren barneko alderdiei eta egoerei buruz eta beste enpresa eta merkatu batzuen egoera zehatzei buruz. (orokorra)



Azken gaitasun orokor horri dagokionez, GRAL lanetan bereziki, oso garrantzitsua izan daiteke ikasgaiaren ekarpena.



IKASKUNTZA-EMAITZAK

Ikasgai honetan ikasleak trebetasun hauek lortuko ditu:

-Enpresa-erakundeetan ohikoak diren dokumentuak eraginkortasunez, zuzentasunez eta egokitasunez erabiltzeko trebetasuna.

-Euskaraz komunikatzean (idatziz eta ahoz), komunikazio-egoeraren araberako erregistro egokia erabiltzeko trebetasuna.

-Lan-munduan sor daitezkeen komunikazio-erronkei aurre egiteko trebetasuna.

-Ekonomiaren arloan eta enpresarekin lotuta dauden baliabide linguistikoak erabiltzeko, eta erabaki linguistikoak bere gain hartzeko trebetasuna.

-Ekonomia eta enpresa arloko erreferentzia bibliografikoak kudeatzeko trebetasuna. Ekonomia eta enpresa arloko bibliografia modu kritikoan aztertzeko eta arlo horretako edukiak Wikipediaren bidez lantzeko trebetasuna.

1. modulua: Esparru profesionaleko komunikazio-jarduerak, dokumentuak eta testu-generoak

1.1. Ahozko komunikazioa: zeregin profesionaletarako jarraibideak

1.2. Komunikazio idatzia: dokumentuak eta testu-ereduak

1.3. Komunikazio digitala: webguneak, gizarte-sareak, bideo-kanalak …

2. modulua. Komunikazio-gaitasunak eta hizkuntza-eskakizunak arlo profesionalean

2.1. Herritarrekiko/bezeroekiko komunikazio-jarduerak: komunikazioaren eskakizunak eta erronkak

2.2. Erakunde eta enpresekiko komunikazio-jarduerak

2.3. Arlo sozioekonomikoan euskara sustatzeko ekimenak eta planak. Hizkuntza-irizpideak

2.4. Erabiltzaileen eta kontsumitzaileen hizkuntza-eskubideak.

3. Modulua. Testu profesionalen terminologia eta estiloa

3.1. Hizkera Argia: irizpide orokorrak eta kontsulta-baliabideak

3.2. Estilo Liburu profesionalak: irizpideak eta jarraibideak

3.3. Komunikazio profesionala: estilo-irizpideak eta terminologia

Zeharkako proiektua: artikulu akademikoa, posterra, web-ekimen bat, zabalkunde-bideoa, Wikipediaren lanketa …

Gaiak:

-Komunikazio profesionalaren erronkak

-Dokumentu profesionalen estandarizazioa

-Kalitatezko testuak egiteko baliabideak

-Komunikazio inklusiboa

-Gizarte-komunikazioa: sentiberatzea, zabalkundea…



EDUKI PRAKTIKOAK

Irakasgaiaren alderdi praktikoa PROIEKTUA atalean gauzatuko da. Hiru aukera izango dituzte ikasleek binaka egin dezaketen proiektu hori garatzeko

I- WIKIPEDIA ABERASTEA

Euskal wikilarien elkartearekin elkarlanean, euskal wikipediak enpresa eta ekonomia arloan dituen hutsune nabarmenak osatzen lagunduko dute ikasleek artikulu bat idatziz.

II- ZABALKUNDE ARTIKULU BAT IDAZTEA

Ekonomia edota enpresa arloko gai espezializatu bati buruzko artikulua idatziko du ikasleak, adituei ez ezik irakurle arruntei ere interesgarri izango zaiena.

III- WEBGUNE BATERAKO PROPOSAMENA EGITEA

Zenbait enpresaren webguneak aztertu, eta, eredu horietatik abiatuta, dagokion enpresaren proiektuari proiekzioa emateko baliagarria izango den webgune baten diseinu-proposamena garatuko du ikasleak. Azkenik, gizarte-sareetan kontuan hartu beharreko irizpideak aztertu, eta proiekturako Twitter kontu baten diseinua egingo du.

METODOLOGIA

1. Ordenagailu-praktikak

Binaka landuko dituzte ikasleek hiru moduluetako edukiak. Taldeka banatuko dira landu nahi diren dokumentuak eta talde bakoitzak azalduko die ikaskideei ariketa bakoitzean landutakoa. Hartara, ahozko komunikazioa lantzeko baliatuko dira praktika hauek.

2. Eduki teorikoak

Eduki teorikoak jarduera praktikoekin lotuta egongo dira. Jarduera horiek egokiro egiteko aplikatu beharko dira, hain zuzen ere, eduki teorikoak. Ikasleak eduki teorikoez ondo jabetzen ari direla egiaztatu ahal izateko, autoebaluaziorako ariketak jarriko ditugu moodle-en. Bukaeran, eduki horiek egiaztatzeko test azterketak egingo dira, bukaerako ebaluazioan kontuan hartuko direnak.

3. Eskolatik kanpoko lanak

Zenbait jarduera eskolatik kanpo osatu beharko dituzte ikasleek: ariketak, irakurgaiak, proiektuetan garatzen dituzten lanak, ahozko aurkezpenak prestatzea, etab.



4. Tutoretzak

Komenigarria da ikasleek tutoretzak erabiltzea irakasleekin aurrera daramatzaten lanetan aurkitzen dituzten oztopoak eta aztertzen dituzten aukerak hitz egiteko eta argibideak bilatzeko.



5. E-gela plataforma

E-gela plataforma erabiliko dugu irakasgaiaren antolakuntza, ikasle-irakasleen arteko komunikazioa, autoebaluazioa eta irakasgaiaren jarraipena errazteko.

OHIKO DEIALDIA

Irakasgaiaren ebaluazioa jarraitua izango da. Ebaluazio jarraitua gainditzen ez duten ikasleek bukaerako azterketa egin ahal izango dute.

Etengabeko ebaluazioan, ikasleak zeregin guztiak adierazitako epean eta eskatu bezala izendatuta entregatu behar ditu. Zeregin horietako bakoitza definitu diren ebaluazio-irizpideak kontuan hartuta ebaluatuko da.



Ikasleak egin beharreko zereginetatik erdiak edota gutxiago egiten baditu, deialdiari uko egin diola ulertuko da eta Aurkezteke jarriko zaio. Kasu horietan aukera izango du ezohiko deialdian irakasgaia azken probaren bitartez, azterketaren bitartez, gainditzeko.



OHARRAK:

-Ikasleek eskubidea izango dute azken ebaluazio bidez ebaluatuak izateko, etengabeko ebaluazioan parte hartu zein ez hartu. Eskubide hori baliatzeko, ikasleak etengabeko ebaluazioari uko egiten diola jasotzen duen idatzi bat aurkeztu beharko dio irakasgaiaren ardura duen irakasleari eta,

-Ebaluazioaren azken probara (azterketa ofiziala) ikaslea ez bada aurkezten Aurkezteke nota jarriko zaio.

-UPV/EHUko Ebaluaziorako Arautegiko 12. artikuluaren arabera, ohiko deialdiari uko egin nahi dion ikasleak idatzi bat aurkeztu beharko dio irakasleari, lauhilekoa bukatu baino hilabete lehenago gutxienez.

-12.2. artikulua kontuan izanik: Etengabeko ebaluazioaren kasuan, azken probaren pisua bada irakasgaiko

kalifikazioaren % 40 baino handiagoa, nahikoa izango da proba horretara ez aurkeztea azken kalifikazioa <> izan dadin. Aldiz, azken probaren pisua bada irakasgaiko kalifikazioaren % 40a edo hori baino txikiagoa, deialdiari uko egin nahi dioten ikasleek kasuan kasuko irakasgaiaren irakaskuntza aldia bukatu baino, gutxienez, hilabete lehenago egin beharko dute eskaria. Eskari hori idatziz aurkeztu beharko zaio irakasgaiaren ardura duen irakasleari



1. Ebaluazio jarraituan,hiru elementu hauek hartuko dira kontuan notarako:

-Egitarau praktikoko zereginak (% 30)

-Ahozko aurkezpenak (% 30)

-Taldekako proiektua (% 40)

Oharra: atal bakoitzeko emaitzen batez bestekoa egin ahal izateko, atal bakoitza gainditu beharko da.

2. Bukaerako azterketa:

-Idatzizko lana (% 40)

-Ariketak eta testa (% 30)

-Ahozkoa ere ebaluatuko da (% 30). Horretarako, azterketa egunean, idatzia bukatu ondoren, 10 minutuko ahozko aurkezpena egingo dute azterketara aurkezten diren ikasleek gelan bertan. Ekonomia edota enpresa alorrari loturiko gai bat azaldu behar da. Aurkezpena egiteko diapositibak prest ekarri beharko dituzte.

Hona hemen bi ebaluazio motetan kontuan hartuko diren irizpideak:



1) EBALUAZIO JARRAITUA

-Ebaluazio-tresnak:

1.1 Proiektuaren txostena: balioa: (%40).

-Irizpideak:

1.1.1 Dokumentazioa bilatzeko eta antolatzeko gaitasuna. Bereziki balioetsiko da hizkuntza desberdinetan dauden dokumentuak erabiltzea eta hainbat generotako testuak izatea.

1.1.2 Bukaerako dokumentua egokiro antolatuta egotea eta adierazpide zuzenak erabiltzea: sarrera, aurkibidea, atalak eta azpiatalak.

1.1.3 Irakasgaian landutako kontzeptu garrantzitsuenak egokiro erabiltzea eta azaltzea.

1.1.4 Bukaerako testuek goi mailako tituludun bati eskatzen zaion kalitatea izatea: zuzenak eta egokiro antolatuak.

1.1.5 Testuak komunikazio-egoerari (hartzailea, kanala, gaia) ondo egokitzea.

1.2 Gelako zereginak (%30)

1.2.1 Zereginak garaiz eta egoki egitea

1.2.2 Zereginetako testuen zuzentasuna eta zehaztasuna



1.3 Ahozko aurkezpena(%30)

1.3.1 Ahozko testua eta ikusteko euskarria aurkezpenerako egokiak eta zuzenak izatea

1.3.2 Ikusteko euskarria eta ahozko diskurtsoa egokiro uztartuta egotea

1.3.3 Aurkezpen formal baterako ahoskera egokia erabiltzea





2) AZTERKETA BIDEZKO EBALUAZIOA

-Ebaluazio-tresnak:

2.1 Ariketak eta Testa (balioa %10)/-Irizpideak:

2.1.1 Asmaturiko erantzun zuzenen kopurua.

2.2 Ariketak(balioa %20)/ -Irizpideak:

2.2.1 Zuzentasuna, koherentzia, kohesioa, egokitasun lexiko-semantikoa.

2.3 Idazlana (balioa % 40)/ -Irizpideak:

2.3.1 Zuzentasuna, koherentzia, kohesioa, egokitasun lexiko-semantikoa eta helburu komunikatiboetarako egokia izatea.

2.4 Ahozkoa (balioa %30)/ -Irizpideak:

2.4.1 Ahozko testua eta ikusteko euskarria aurkezpenerako egokiak eta zuzenak izatea

2.4.2 Ikusteko euskarria eta ahozko diskurtsoa egokiro uztartuta egotea

2.4.3 Aurkezpen formal baterako ahoskera egokia erabiltzea

E-gelako materialak ezinbestekoak izango dira ikasgaia jarraitzeko: bai ekonomia eta enpresa arloetako testu-bilduma, bai gai bakoitzeko power point formatuan garatutako azalpenak. Horrez gain, kontsulta-baliabideen txostenean erabilgarri diren kontsulta-baliabideak sailkatuta eta komentatuta izango ditu ikasleak.

Oinarrizko bibliografia

Acebo, S. (koord.) (2018). Dilo bien y dilo claro. Manual de comunicación profesional. Madril: Larrousse. AMATRIA, X. et al. (2009). Komunikazio Elektronikoa. IVAPen gomendioak web-orriak idazteko. Gasteiz: IVAP. ARAKAMA, J. M. et al. (2005) IVAPeko Estilo Liburua. Herri Arduralaritzako Euskal Erakundea. Instituto Vasco de Administración Pública

Erreferentzia Marko Estandarra (EME)

Eusko Jaurlaritza (2011). Eusko Jaurlaritzaren gizarte-sareetako erabileren eta estiloaren gida. Eusko Jaurlaritza: Gasteiz.

Fernández, J. (2018). Euskararen Erabilera Inklusiboa. Leioa: UPV/EHUren argitalpen-zerbitzua.

Garzia, J. (2008). Jendaurrean Hizlari. Ahozko Komunikazio Gaitasuna Lantzeko Eskuliburua. Donostia: Alberdania.

Hizkuntza Politikako Sailburuordetza (2020): Euskara eremu sozioekonomikoan sustatzeko plana (2020-2023).

Marañon, M. 2013). Jendaurrean hitz egitea. Traketsetik abilera. Madril: Oberon.

123/2008 DEKRETUA, uztailaren 1ekoa, Kontsumitzaileen eta Erabiltzaileen Hizkuntza eskubideei buruzkoa.



-UZEI (1998): Ekonomia eta Finantzak Hiztegia, UZEI, Donostia.



HIZTEGIAK

-Alcaraz Varó, E., y Hughes, B. (1996) Diccionario de términos económicos, financieros y comerciales. Inglés-Español / Spanish-English. Ariel Referencia.

-American Business Dictionary (1991). N.Y.: P.C.P.

-Cambridge International Dictionary of English (1996). Cambridge: C.U.P.

-English Business Dictionary (1990). London: P.C.P.

-Longman Dictionary of Business English (1992). London: Longman.

• Lozano Irueste, J. M. (1989) Diccionario Bilingüe de Economía: Inglés-Español / Español-Inglés. Oxford (NY): O.U.P.

• Muñiz Castro, E. G. (1992) Diccionario Terminológico de Economía, Comercio y Derecho. Madrid: Fontenebro.

• Oxford Dictionary of Business English for Learners of English (1993). Oxford: O.U.P.

Gehiago sakontzeko bibliografia

Aced, C. (2013). Relaciones Públicas 2.0. Cómo gestionar la comunicación corporativa en el entorno digital. Barcelona, UOC.
Bargiela-Chiappini, F., (Ed.). The Handbook of Business Discourse. Edinburgh: Edinburgh University Press, 2009.
-Barrett, D. J. Strong communication skills – a must for today’s leaders. Handbook of Business Strategy 7.1, 2006. pp. 385-390.
Garzia, J. (2014). Esaldiaren antolaera. Funtzio informatiboak gako. Leioa: UPV/EHUko Argitalpen Zerbitzua.
Garzia, J. (2017). Esaldiak Josten. Leioa: UPV/EHUko Argitalpen Zerbitzua.Llamas, C., Martínez, C. eta Tabernero, C. (2012). La comunicación académica y profesional. Usos, técnicas y estilo. Zizur Txiki: Thomson Reuters/Aranzadi.
Seely, J. (2013). Oxford Gude to Effective Writing & Speaking. Oxford: Oxford University Press.
Studer, P., Lingüística aplicada a los contextos de negocios: una entrevista con Patrick Studer, ReVEL, v. 11, n. 21, 2013
Urkiza, A. (2007). Enpresa komunikazioa profesionalen ikuspegitik. Bilbo, UEU.

Aldizkariak

Administrazioa Euskaraz (IVAP)
Ekonomiari buruzko bloga: http://www.unibertsitatea.net/blogak/ekonomia/
Beha (Gure gizarte eta ekonomiari buruzko agerkari digitala): http://www.beha.eus/eu Ekonomiaz aldizkaria:
http://www.ogasun.ejgv.euskadi.eus/r51-k86aekon/eu/k86aEkonomiazWar/ekonomiaz/inicio?locale=eu_ES Berriak:
https://www.eitb.eus/eu/albisteak/ekonomia/krisi-ekonomikoa/?_ga=1.178755940.1392536390.1486458219