IRAKASGAIAREN GAITASUN ESPEZIFIKOAK



1.gaitasun espezifikoa

Lan-harremanen eta zuzenbidearen arloan euskarak dituen erronkez jabetzea, erronka horiei erantzuteko gizarteak eskaintzen dituen bideak ezagutzea eta, ezagutza horien argitan, norberaren parte-hartzea eta jarrerak berraztertzea.



2.gaitasun espezifikoa

Hizkuntza-baliabideak (bereziki Interneten eskuragarri daudenak eta estandarizazioari loturikoak) erabiltzen jakitea, lan- harremanetako euskararen alorrean etengabe eguneratzeko.



3.gaitasun espezifikoa

Euskarari buruzko intuizio, esperientzia eta zalantza nagusiak sistematizatzea, azaltzea eta berrikustea, lan-harremanen alorrean aintzat hartzen diren hizkuntza-irizpideak kontuan hartuta.





IKASKUNTZAREN EMAITZAK

Irakasgai honetan ikaslea prestatuko da zeregin hauetarako:



-Lan-harremanen eta zuzenbidearen arlo akademiko zein profesionalean euskarak dituen ezaugarriei, egoerari eta erronkei buruzko argibideak eta gogoetak adierazteko.



-Interneteko hizkuntza-baliabide nagusiak erabiliz, arlo akademiko zein profesionalean euskaraz idaztean sortu ohi zaizkigun askotariko hizkuntza-zalantzak argitzeko (ortografia, puntuazioa, joskera, kohesioa, hiztegia, terminologia, diskurtsoa...).



-Arlo akademiko zein profesionalean euskaraz komunikatzean (idatziz eta ahoz), komunikazio-egoeraren araberako erregistroak bereizteko, eta, bereziki, erregistro formala erabiltzeko.



-Euskara zaindurako emandako irizpide nagusiak zaintzeko bere testu idatzi eta ahozkoetan (besteak beste, laburpenak, iritzi-artikuluak, itzulpenak eta landutako gaiei buruzko hausnarketak egitean...).



-Internet eta IKTak testuinguru akademiko zein profesionalean eraginkortasunez erabiltzeko.

PROGRAMA:



1.modulua: EUSKALDUNON HIZKUNTZA-ESKUBIDEAK ARLO PROFESIONALEAN



1.1. Herritar eta langileen hizkuntza-eskubideak

1.2. Enpresetan euskararen erabilera eta euskarazko zerbitzuak bermatzeko planak

1.3. Euskararen erabilera lan-munduan sustatzeko sareko baliabideak



2.modulua: TESTU PROFESIONALAK EGITEKO JARRAIBIDEAK



2.1. Testu profesionalak egiteko oinarrizko irizpideak

2.2. Testu profesionalak: estilo-irizpideak eta ereduak.

2.3. Testu profesionalak: idazkuntza-lantegia



3.modulua: HIZKUNTZA-ZALANTZAK ARGITZEKO SAREKO BALIABIDEAK



3.1. Zehaztasun lexikoa langai: lexikoarekin lotutako zalantzak argitzeko kontsulta-baliabideak

sarean

3.2. Zuzentasuna langai: gramatikarekin eta idazkerarekin lotutako zalantzak argitzeko kontsulta-baliabideak sarean



3.3. Egokitasuna langai: estilo zaindu profesionalarekin zerikusia duten zalantzak argitzeko kontsulta-baliabideak sarean

Material eta baliabide gehienak campus birtualean jarriko dira (eGela plataforman). Hartara, eskoletara joaterik ez daukaten ikasleek aukera izango dute irakasgaian zer eduki landu diren ikusteko, eta, nahi izanez gero, amaierako azterketa prestatzeko.



Irakasgai praktikoa izango da. Gelan jarduera zehatzak egingo dira, programan jasotako langaiei buruz. Irakasleak ikasleen esku jarriko ditu jarduera horiek egiteko behar diren baliabideak eta haien ondoan jardungo du sortzen zaizkien zalantzei eta zailtasunei aurre egiten laguntzeko.



Hainbat eratako lanak egingo dira: gai bati buruzko idazlanak, testuak hobetzeko ariketak, testu jakin bateko akatsen zuzenketak, kontsulta-tresnen bilaketak, terminologia teknikoa lantzeko ariketak, testu laburren itzulpenak, ahozko aurkezpenak... Jarduera asko ordenagailuz egingo dira, Interneteko bitartekoak erabilita. Hori dela eta, irakaskuntza-saioak saioak ordenagailu-gelan eskainiko dira ahal den guztietan.



Agindutako lanak ezarritako epearen barruan helaraziko zaizkio irakasleari. Lan horien emaitzak ikasle bakoitzarekin aztertu eta berrikusiko ditu irakasleak. Irakasgaiaren modulu bakoitzaren amaieran ikasleek laburpen edota sintesi-ariketa bat egingo dute ikasgelan bertan, moduluan zehar landutakoa zein neurritan bereganatu duen egiaztatzeko.



KRONOGRAMA:

1. modulua (Euskaldunon hizkuntza-eskubideak): 4 aste

2. modulua (Testu profesionalak egiteko jarraibideak): 6 aste

3. modulua (Hizkuntza-zalantzak argitzeko sareko baliabideak): 5 aste

EBALUAZIO JARRAITUA (ETENGABEA)

Irakasgaiaren ebaluazioa JARRAITUA (etengabekoa) izango da (kalifikazioaren % 100 jokatzen da). Ebaluazio jarraituak eskatzen du saio gehienetara joatea (% 80) eta jarduera gehienak (% 90) garaiz entregatzea; bestalde, gainditu ahal izateko, ezinbestekoa izango da, orobat, moduluen amaierako probak egitea eta bukaerako lana egitea.



OHARRA: JOKABIDE MAKUR ETA IRUZURREZKOAK

Irakasgai honen ebaluazio-irizpideen oinarri dira, batetik, UPV/EHUren Graduondoko Titulazio Ofizialetako Ikasleen Ebaluaziorako Arautegia eta, bestetik, UPV/EHUko ebaluazio-probetan eta lan akademikoetan jokabide makur eta iruzurrezkoak eragozteari eta etika akademikoari buruzko protokoloa.



EBALUAZIO JARRAITUARI UKO EGITEA (AZKEN EBALUAZIOA):

Hala ere, ikasleek eskubidea izango dute azken ebaluazioaren bidez (kalifikazioaren % 100) ebaluatuak izateko: bai ebaluazio jarraitua egiten hasi eta alde batera uztea erabakitzen duten ikasleek, bai hasieratik azken ebaluazioaren bidez bakarrik ebaluatuak izatea aukeratzen duten ikasleek. Nolanahi ere, eskubide hori gauzatu ahal izateko, ikasleak ebaluazio jarraituari uko egiten diola jasotzen duen idatzi bat helarazi behar dio irakasgaiaren ardura duen irakasleari, lauhilekoaren hasierako 9 asteen barruan*. Halako idatzirik bidali ezean, ebaluazio jarraiturako aurkeztutako jarduerak kalifikatuko dira. Edonola ere, modulu-amaierako probetara agertu ezean, "ez aurkeztua" izango da amaierako kalifikazioa.



*Ikasleen Ebaluaziorako Arautegian, 8.3 artikuluan dioenari jarraiki.



DEIALDIARI UKO EGITEA ("AURKEZTEKE / EZ AURKEZTUA" kalifikazioa):

Bestalde, UPV/EHUko Ebaluaziorako Arautegiaren 12. artikuluaren arabera, ohiko deialdiari uko egiteko, nahitaezkoa da lauhilekoa bukatu baino hilabete lehenago irakasleari idatzi bat helaraztea ukoa jakinarazteko.



AZKEN EBALUAZIOA (kalifikazioaren % 100):

Dekanotzak finkaturiko deialdi ofizialean izango da azken ebaluazioa. Azken ebaluazioak atal hauek izango ditu:

1) Banakako lan bat entregatzea, ikaslearen gidan deskribatuta egongo dena: % 25

2) Amaierako azterketa: % 75. Atal hauek izango ditu azterketak:

-Askotariko ariketa eta jarduerak: % 50

-Idazlana: % 25

Nahitaez erabili beharreko materialak GELA BIRTUALAREN BIDEZ jarriko dira ikasleen esku (eGela).

Oinarrizko bibliografia

ALBERDI, X.; AZKARATE, M. eta beste (2019): UPV/EHUko Zuzenbide Fakultatearen hiztegi juridikoa. Bilbo: UPV/EHUko Argitalpen Zerbitzua.



ALBERDI, X.; SARASOLA, I. (2001): Euskal estilo-libururantz, Bilbo: EHUko Argitalpen Zerbitzua.



GARZIA, J. (2005): Kalko okerrak, Gasteiz: Eusko Jaurlaritzaren Argitalpen Zerbitzu Nagusia.



HAEE/IVAP (2003): Galdezka: euskarazko zalantzei erantzunez, Gasteiz: HAEE/IVAP http://www.ivap.euskadi.net/contenidos/informacion/euskalduntze_argit/eu_def/adjuntos/Galdezka1.pdf



HAEE/IVAP (2009): IVAPeko estilo-liburua, Gasteiz: HAEE/IVAP. http://www.ivap.euskadi.net/contenidos/informacion/euskalduntze_argit/eu_def/adjuntos/estilo_liburua.pdf

Gehiago sakontzeko bibliografia

AGIRRE, J.M. (2009): Itzulpen estrategiak. Gaztelaniazko testu juridikoak eta administratiboak. Donostia:
CONDE, J. (2009). Lenguaje administrativo y derecho: El lenguaje como aspecto de la actividad administrativa. Zizur Txiki: Aranzadi.
ELOSEGI, A. (2002): Zuzenbideko hizkera berezia. Lege-corpus itzuli bateko terminologiaren azterketa linguistikoa eta terminologikoa. Bilbo: Euskal Herriko Unibertsitatea.
GARZIA, J. (1997): Joskera lantegi, GASTEIZ: HAEE-IVAP.
HAEE/IVAP (1994): Hizkera argiaren bidetik, Gasteiz: Herri Arduralaritzaren Euskal Erakundea (HAEE/IVAP). HAEE/IVAP (1997): Argiro idazteko proposamenak eta ariketak, Gasteiz: HAEE/IVAP.
HAINBATEN ARTEAN (2009). Eusko Legebiltzarraren idazteko, itzultzeko eta zuzentzeko jarraibideak. Gasteiz: Eusko Legebiltzarra. URL: http://www.parlamento.euskadi.net/e_normas_redaccion.html
SARASOLA, I. (1997): Euskara batuaren ajeak, Alberdania.
ZABALA, I. (ARGIT.) (1996): Testu-loturarako baliabideak: euskara teknikoa, Bilbo: EHUko Argitalpen Zerbitzua. ZUAZO, K. (2005): Euskara batua. Ezina ekinez egina. Donostia: Elkar.

Aldizkariak

Administrazioan Euskaraz (IVAP) https://www.euskadi.eus/t59auUdaWar/R1

Administrazio-hizkera argia (Administrazio Euskaraz aldizkariaren bloga, IVAP) https://tinyurl.com/y5omnus5

Euskaltzaindia: Euskara http://www.euskaltzaindia.net/euskera

ELERIA. Euskal Herriko Legelarien Aldizkaria (Eusko Ikaskuntza)
http://www.eusko-ikaskuntza.eus/es/publicaciones/eleria-euskal-herriko-legelarien-aldizkaria/bi-109/

Lan harremanak (Lan Harremanen Unibertsitate Eskola)
http://www.lan-harremanak.ehu.es/p231-content/es/contenidos/informacion/rrll_revista/es_revista/indice.html

Zuzenbidea Ikasten http://www.ehu.eus/ojs/index.php/Zuzenbide

Zuzenbidearen Euskal Akademiaren Aldizkaria (ZEA) http://www.avd-zea.com/euskara/el_boletin.php