Irakasgai honetan titulazioaren oinarrizko heziketaren moduluko, M01, gaitasun batzuk garatzen dira:

"Oinarrizko kontzeptuak ulertzea eta menderatzea: sistema linealak eta funtzio eta transformatu erabiliak, zirkuitu elektrikoen teoria, zirkuitu elektronikoak, erdieroaleen eta familia logikoen funts fisikoa, gailu elektronikoak eta fotonikoak, gaien teknologia eta horien aplikazioa ingeniaritzari dagozkion buruketak ebazteko."



Irakasgaiaren ikaskuntza emaitzak honako hauek dira:

1. Neurketak eskuratzeko eta erabiltzeko teknikak ustiatu, eta saiakera-erroreak balioetsi, lehenengo aldiz, Elektronikan.

2. Laborategiaren oinarrizko tresneria ezagutu; banaka erabili hura, besteak beste, neurtzeko.

3. Osagai pasibo nagusien ezaugarriak ezagutu.

4. Eragiketa anplifikadorerik daukaten zirkuituak ezagutu, ebatzi eta muntatu.

5. Erdieroaleen oinarri fisikoa ulertu.

Gai-zerrenda:

- Elektronika aurkeztu

- Seinaleak eta beren ezaugarriak

- Laborategiaren oinarrizko tresneria

- Osagai pasiboak

- Eragiketa anplifikadoreak

- Erdieroaleen oinarriak



Laborategiko praktikak:

Hamar laborategi saio; horietan, teoriako kontzeptuak landuko dira, eta laborategiaren oinarrizko tresneria erabiltzen ikasiko da: neurketa tresnak eta oinarrizko seinale sorgailuak.

Teoria eskolak, ariketakoak eta laborategiko praktikak ikasturtean zehar tarteka, ikuspegi praktiko batetik lantzen da irakasgaia.



Teoria saioetan –edo magistraletan- funtsezko kontzeptuak azaltzen dira. Gelatik kanpoan teoria edukiak ikasiz eta buruketa bakarka ebatsiz sakondu behar du kontzeptu horietan ikasleak. Gelan planteaturikoak prestatzea eta ebaztea eskatzen dituzte buruketa eskolek.



Buruketak aurrez ebaztea, praktika burutzea eta azkenik txosten bana eskatzen dituzte laborategi saioek.

Ohiko deialdian, honako hauek finkatzen dute azkenengo nota:

- Azken azterketa (data ofizialean, % 60). Irakasgaia gainditzeko, gutxienez, 10tik 5.

- Laborategia (% 40): Derrigorrezko praktika arautuak; bakoitzak prestatzea, bertaratzea, burutzea eta txostena eskatzen ditu; horretaz gain, azterketa praktikoa.



Irakasgaia gainditzeko atal bakoitza banan-banan gainditu beharko da: azken azterketa eta laborategia. Atal bat gainditu ez bada, azken nota gutxiegi izango da.



Edozein atal gainditzen bada (teoria ala laborategia) ikasturte horren ezohiko deialdira arte besterik ez da gordeko.



Azken azterketara aurkezten ez duen ikasleak “ez aurkeztua” aterako du irakasgaian.



Osasun baldintzek aurrez-aurreko hezkuntza ala ebaluazio ekintzaren bat eragozten baldin badute, ordezko baliokide bat, urrunekoa, proposatuko da; horren berri emango zaizue.

Irakasgaiaren apunteak.

Oinarrizko bibliografia

- XYZ de los osciloscopios. TeKtronix

- Boylestad, R.; Nashelsky, L. "Electrónica: teoría de circuitos y dispositivos electrónicos". Prentice Hall, 2009.

Gehiago sakontzeko bibliografia

- R. PALLÁS. Sensores y Acondicionadores de Señal. Editorial Marcombo.
- Horowitz, P.; Hill, W. “The art of Electronics”. Cambridge University Press, 2015.