- Audientzia-ikerkuntzan diharduten erakunde garrantzitsuenak eta haien erabilgarritasuna identifikatzea.

- Audientzia-ikerketatik datozen datuak interpretatu eta aplikatzea.

- Euskarrien arteko desberdintasunak sakontzea, helburuei, eskaintzari (programak/generoak, programazio-teknikak eta programazio-parrillak) eta lortutako audientziari dagokienez.

- Kanal/irratien helburu estrategikoak bereiztea.

- Egungo ikus-entzunezko panoraman programazio-parrillak eraikitzeko beharrezko ezagutzak aplikatzea.

- Internetek irrati-telebista eta online programazioan duen eragina aztertzea.

- Eskuratutako ezagutzak sareko ikus-entzunezko edukien eskaintzaren diseinuan aplikatzea.

1. Irrati, telebista eta interneteko audientziak

2. Audientzia-ikerketaren kontzeptak eta indizeak

3. Programaziogintzaren esangurak

4. Programazioan eragiten duten faktoreak

5: Programazio saila irratian eta telebistan

6. Irratigintzaren panorama

7. Irrati-eskaintza

8. Irrati-kontsumoa

9. Irratirako programatzen

10. Telebistagintzaren panorama

11. Telebista-eskaintza

12. Telebista-kontsumoa

13. Telebistarako programatzen

14. Internet: panorama, eskaintza, erabilera eta programazioa.

Irakasgai honetan garatuko diren jarduerak bi multzotan sailkatzen dira: ikasgelan jorratutako gaien inguruan ikasleek banaka eginikoak eta, bestetik, proiektu nagusian kokatzen diren taldekako eginkizunak. Bigarren multzo honetakoak dira ikasleek hirunaka egin behar dituzten txostenak eta hauen aurzkezpena klasean.



Banakako ariketak zazpi dira: (1) Telebista-kanal bati edo ikus-entzunezko plataforma bati buruzko “inpresioak” jasotzea; (2) Behaketa teknika aplikatzea; (3) Bi irrati-kateren audientzia-profila aztertzea eta Irrati-programa berri baterako proposamena eraikitzea; (4) Telebista-programa edo ikus-entzunezko eduki gogokoena aztertzea; (5) Programazioari buruzko informazio-iturriak aurkitzea; (6) Telebista genero desberdinen pisua eta (7) Irrati-telebistaren etorkizuna interneten.



Bigarren blokea proiektu nagusiaren inguruko jardueren multzoa da. Ikasgaiaren bizkarrezurra izanik, hiru pertsonako taldeetan burutua izango da. Egin beharrekoen artean daude irrati/telebista baten egungo programazio-eskaintza sakonean aztertzea eta horren ostean programazio ideala izan daitekeena diseinatzea. Proiektu nagusi guztiak ikasgelan aurkeztuko dira irrati eta telebistako “azoken” bidez, eta ikasle guztiek parte hartu eta proposamenak ebaluatzeko orduan.

Ohiko deialdia etengabeko ebaluazioan oinarrituko da. Ikasleak azken ebaluazioa erabili nahiko balu, idatziz jakinarazi beharko dio irakasleari, ikastetxeko araudian adierazitako epearen barruan. Kasu honetan, amaierako azterketa egin beharko du ikasleak, horretarako eGelara igotako materialak eta oinarrizko bibliografia erabili ahal izango ditu.

Azken azterketak bi zati izango ditu: lehenean, lau galderatik hiru aukeratu eta erantzun beharko ditu ikasleak, modu laburrean (2 puntu galdera bakoitzak), eta, amaitzeko, luzera-mugarik gabe erantzun beharreko beste galdera bati buruz idatziko du (4 puntu).

Erabili beharreko materialak ikasgaiaren eGela gunean egongo dira ikaslearen esku.

Oinarrizko bibliografia

- Arana, E. (2011): Estrategias de programación televisiva. Madril: Síntesis.

- Arana, E. (2004): Programaziogintza irrati-telebistan. Bilbo: UEU.

Gehiago sakontzeko bibliografia

- AIMC (2023). Marco General de Medios-2023. (http:www.aimc.es)
- Campos, F. (Coord.) (2018). Panorama actual y tendencias de la radiotelevisión pública en Europa 2018. Santiago Konpostelakoa: USC eta Forta.
- CIES (2023). Estudios de audiencias EAE. Acumulado 2022. CIES
- Prado, E. (2022): “Retos para la legacy media y el servicio público en el ecosistema audiovisual convergente” In Francés, M, Franquet, R eta Torres, G. (2022): Los retos de la televisión pública ante la multidifusión digital”, pp. 57-87. Bartzelona: Gedisa.

Aldizkariak

Comunicar
Kalom
Zer
Uztaro
Comunicación y Sociedad
Media, culture and society
Nordicom Journal
Profesional de la Información