GAITASUN ZEHATZAK:



M01CM02: Ikuskera espazialerako gaitasuna eta adierazpen grafikorako teknikak, bai geometria metriko eta deskriptiboaren metodo tradizionalen bidez eta bai ordenagailuz lagundutako diseinurako aplikazioen bidez.



GAITASUN OROKORRAK: (1. maila)



MEC1: Ikasleek frogatzea lehen mailan landutako gaiak bereganatu eta ulertu dituztela, beren aurreko ezagutzetan zimendaturik.



MEC2: Lehen mailako gaiei buruzko ariketa espezifikoak ebaztea modu arrazoituan.



MEC3: Graduko lehen mailari dagozkion problema zientifikoak ebazteko datu pertinenteak bildu eta interpretatzea.



MEC4 (idatzia): Idatziz modu argi eta egituratuan adieraztea bai norberaren ideiak eta bai irakasgaiaren edukiak, hiztegi espezifikoa erabiliz.



MEC5: Jarrera positibo eta arduratsua garatzea, eta irakasleek aurkeztutako kontzeptuak ulertu eta bereganatzea.

EDUKI TEORIKOAK:



1. AKOTATU SISTEMAREN OINARRIAK: Sistema Akotatuaren elementuak irudikatzea eta horien posizio erlatiboak aztertzea.

1.1. Elementu geometrikoen irudikapena: puntua, zuzena eta planoa.

1.2. Paralelismoa.

1.3. Elkarguneak.

1.4. Perpendikulartasuna.

1.5. Distantziak eta angeluak.

1.6. Eraispenak.



2. TEILATU ETA ESTALKIEN EBAZPENA: estalki moten kontzeptu orokorrak eta tipologia desberdineko estalkiak ebazteko sistemak aplikatzea.

2.1. Malda bereko isurialdeak dituzten estalkiak.

2.2. Malda desberdineko isurialdeak dituzten estalkiak.

2.3. Teilatu-hegal inklinatuak dituzten estaliak.

2.4. Gainazal kurbatuak dituzten estalkiak.



3. MARRAZKETA TOPOGRAFIKOA: lurraren gorabehera naturalak eta artifizialak, kotak eta neurketak, kurba horizontalak eta sestra-kurbak grafikoki irudikatzea.

3.1. Azalera topografikoen irudikapena.

3.2. Sestra-kurbak eta distantziakidetasuna.

3.3. Plano eta gainazal topografikoen elkargunea: lur-berdinketak eta errepideak.

3.4. Lurraren gorabeherak.

3.5. Ebaketak eta Betelanak.



4. PROFIL TOPOGRAFIKOAK ETA BOLUMENAK: Lur-sekzioen, lur-berdinketen eta errepideen irudikapen grafikoa.

4.1. Luzetarako profilak.

4.2. Zeharkako profilak.

4.3. Bolumenak kalkulatzea.





EDUKI PRAKTIKOAK:



Eduki praktikoek presentzia nabarmena dute irakasgaian eta amaierako ebaluazioan. Eduki praktikoak taldean nahiz banaka garatzen dira. Gelan ariketa praktikoak egiteaz gain, CAD laborategian proiektu bat egiten da.



Proiektua egin aurretik, BIM (Building Information Modeling) metodologia saio bat emango da. Lankidetza-lanerako metodologia eraginkorragoa da eraikuntza-proiektuak garatzeko. Obra zibileko edo eraikuntzako proiektu bat osatzen duten diziplina guztiak integratzeko aukera ematen duen 3D eredu adimenduna edo maketa birtuala sortzean eta kudeatzean oinarritzen da.



Egin beharreko proiektua lur-mugimenduen bolumenen kalkulua egitean oinarritzen da, obra lineal baten diseinutik abiatuta. Proiektua gauzatzeko, beharrezkoa da informazioa bilatzea, egoera aztertzea eta obra lineala egiteko arrazoiketa kritikoa egitea. Proiektua garatzeko erabili beharreko lan-tresna AutoCAD Civil 3D da. Autocad Civil 3D Ingeniaritza Zibileko proiektuak diseinatu eta dokumentatzeko tresna bat da, BIM (Building Information Modelling) enpresaren lan-fluxuak onartzen dituena, eta azpiegituren profesionalei laguntzen die proiektuen errendimendua hobeto ezagutzen, datu eta prozesu koherenteagoak mantentzen eta aldaketen aurrean azkarrago erreakzionatzen.



Eduki teoriko guztiak proiektu honetan integratzen dira. Hona hemen proiektuaren funtsezko alderdiak:



1. Datu topografikoak bilatzea eta inportatzea.

2. Datu topografikoetatik abiatuta gainazalak sortzea.

3. Lerrokadurak diseinatzea.

4. Luzetarako profilaren diseinua.

5. Sekzioak diseinatzea.

6. Obra linealaren diseinua.

7. Lur-berdinketak.

8. Zeharkako profilen diseinua.

9. Bolumenak kalkulatzea.

10. Planoen maketazioa.

Irakasgaia saio magistralen, saio praktikoen eta CADen bidez ematen da.



Saio magistral eta praktikoetan kontzeptu teorikoen azalpenak eta ikasitako gaien ariketak eta arazoak ebaztea txandakatzen dira. Ariketak eta arazoak taldean lantzen dira gelan, lankidetza nabarmenduz. Ariketa bakoitza azaldu eta komentatzen da, eta sortzen diren zalantzei erantzuten zaie. Ikaskuntza Kooperatiboa (IK) da aplikatzen den irakasteko eta ikasteko metodologia. Taldean lan egiteak ikasleen arreta, inplikazioa eta ezagutzak eskuratzea hobetzen du.



Astero, ikasleek lamina bat egiten dute, aldi horretan ikasi diren kontzeptuak jasotzen dituena. Laminak taldean ebazten dira eta ikasle bakoitzak bere lamina entregatzen du, exijentzia indibiduala eta erantzukizun kolektiboa sustatzeko. Irakasleek praktika jaso eta ebaluatzen dute, eta hurrengo saioan lamina azaltzen da eta sortzen diren zalantzak argitzen dira, irakasleek ikasleen ikaskuntza-maila ezagutu ahal dezaten eta, aldi berean, atzeraelikadura eta hobekuntza-bide bat ireki dezaten.



Gaiaren garapenak hala eskatzen duenean, ordu batzuk ematen dira edukietan sakontzera bideratutako praktikak egiteko. Gela horietan laminak lantzen dira, taldeka edo banaka, eta saioaren amaieran komentatzen dira.



Gai bakoitzaren amaieran, aztertutako kontzeptuen kontrola egiten da. Irakasleek kontrola ebaluatzen dute, eta hurrengo saioan zehatz-mehatz azaltzen da ariketa bakoitzaren ebazpena, sortzen diren zalantzak kontuan hartuta.



CAD saioan, ikasleek taldean lan egiten dute, eta irakasgaiaren eduki teoriko-praktiko guztiak biltzen dituen proiektu bat egin behar dute. Proiektua lauhilekoaren amaieran entregatzen da. Aplikatzen den irakatsi eta ikasteko metodologia Proiektuetan Oinarritutako Ikaskuntza (POI) da. Ikasleek funtsezko ezagutzak eta gaitasunak eskuratzen dituzte benetako proiektu bat eginez, pentsamendu kritikoa, komunikazioa, lankidetza eta arazoen konponketa sustatuz.



Irakasgaiaren garapena eta irakasle eta ikasleen arteko komunikazioa eGela plataformaren bidez egiten da. Tarte horretan, ikasleek saio bakoitzean erabiliko duten materiala izango dute eskura, bai eduki teorikoarena, bai eduki praktikoarena.



Osasun-baldintzak direla eta ezinezkoa bada deskribatutako irakaskuntza-jarduerak egitea, modalitate ez-presentzial bat edo jardueren atzerapen bat aktibatuko da, egoeraren arabera, eta ikasleei unean-unean emango zaie horren berri.

EBALUAZIO JARRAITUA



Ebaluazio portzentajeak:



- Klasean egindako laminak (bakarka edo taldean): %20a

- Kontrolak: %30a

- Azterketa: %50a

- CAD Praktikak: GAI/EZ GAI



Irakasgaia gainditzeko laminen, kontrolen eta azterketaren batez bestekoan 5 bat edo gehiago lortu behar da eta aldi berean, azterketan 4 bat edo gehiago lortu behar da.



CAD praktiketan GAI izan beharko da. Baldintza hau bete gabe ezingo da irakasgaia gainditu.



AZKEN EBALUAZIOA



Indarrean den arautegiak dioenez, Ikasleek eskubidea izango dute azken ebaluazio bidez ebaluatuak izateko,etengabeko ebaluazioan parte hartu zein ez hartu. Eskubide hori baliatzeko, ikasleak etengabeko ebaluazioari uko egiten diola jasotzen duen idatzi bat aurkeztu beharko dio irakasgaiaren ardura duen irakasleari eta, horretarako, 9 asteko epea izango du, ikastegiko eskola egutegian zehaztutakoarekin bat ikasturtea hasten denetik kontatzen hasita.

Ebaluazioa, %100 balio duen azterketa baten bidez burutuko da.



DEIALDIARI UKO EGIN



Harautegiaren arabera, etengabeko ebaluazioaren kasuan, azken probaren pisua bada irakasgaiko kalifikazioaren %40 baino handiagoa, nahikoa izango da proba horretara ez aurkeztea azken kalifikazioa "aurkezteke" izan dadin.

LOZANO CHICO, M., Adierazpen Grafikoa II - Teoria, GIE Erreprodukzio Zerbitzua.
LOZANO CHICO, M., Adierazpen Grafikoa II - Ariketak, GIE Erreprodukzio Zerbitzua.
LOZANO CHICO, M., Adierazpen Grafikoa II - Laminak, GIE Erreprodukzio Zerbitzua.

Oinarrizko bibliografia

COLLADO SÁNCHEZ-CAPUCHINO, V. Sistema de Planos Acotados: Sus aplicaciones en Ingeniería, Editorial Tébar Flores, S.L., 1988. ISBN: 84-7360-087-8.



RODRÍGUEZ DE ABAJO, F.J., Geometría Descriptiva. Tomo II. Sistema de Planos Acotados. Editorial Donostiarra S.A., San Sebastián, (12ª ed.). ISBN: 84-7063-182-9.



MENDEZ LOPEZ, C., Prácticas de dibujo técnico. 11. Sistema de planos acotados. Editorial Donostiarra S.A. Editorial Donostiarra S.A., 1997 (3ª ed.). ISBN: 84-7063-158-6.



AENOR, Normas UNE sobre Dibujo Técnico. Obra Civil y Edificación, 1997.



AUTODESK, Manuales de Autocad. Ed. AUTODESK.

Gehiago sakontzeko bibliografia

COLLADO SÁNCHEZ-CAPUCHINO, V. Dibujo técnico: expresión gráfica de la ingeniería, Editorial Tébar Flores, S.L., 1999 (1ª ed. 1ª imp.). ISBN: 84-930380-6-7.

IZQUIERDO ASENSI, F., Geometría descriptiva. 1997. Editor: Izquierdo Ruiz de la Peña, F. J., Madrid, 1997 (23ª ed.). ISBN: 84-922109-1-5.

TAIBO FERNÁNDEZ, A., Geometría descriptiva y sus aplicaciones. Tomo I. Geometría descriptiva y sus aplicaciones. Tomo II. Editorial Tébar Flores, S.L., Tomo I: 2007 (2ª ed.). ISBN 13: 978-84-7360-273-0. Tomo II: 2007 (2ª ed.). ISBN 13: 978-84-7360-274-7.