Gaitasun espezifikoak:

1.gaitasuna: Enpresen Administrazio eta Zuzendaritzako graduatuek, euskararen erabileran eta garapenean duten eraginaren kontzientzia hartzea, eta norberaren komunikazio-rola berraztertzea testuinguru horretan (Gaitasunaren balioa % 10).

2.gaitasuna: Norberaren intuizio eta esperientzia linguistikoak sistematizatu, azaldu eta berrikustea, hizkuntzaren erabilera zuzen eta egokia jomugan (Gaitasunaren balioa % 80) .

3.gaitasuna: Kontsulta-tresnak erabiltzen jakitea (bereziki interneten eskuragarri daudenak), askotariko egoera komunikatiboetan sor daitezkeen premiei egokiro erantzuteko Gaitasunaren balioa % 10) .



Enpresen Administrazio eta Zuzendaritzako graduko gaitasun hauekin dugu loturarik estuena:



-Ikasleak gai izatea idatziz nahiz ahoz erraztasunez komunikatzeko. (zeharkakoa)



-Eskura dauden baliabideak eraginkortasunez esleitzea, informazio- eta komunikazio-teknologiak ikasketetan eta inguru profesionalean erabiliz. (orokorra)



-Txostenak modu argian eta zentzuzkoan egitea, bidaltzea eta aurkeztea, publiko espezializatuari nahiz ez-espezializatuari, erabakiak zuzen hartzea errazten duten enpresaren barneko alderdiei eta egoerei buruz eta beste enpresa eta merkatu batzuen egoera zehatzei buruz. (orokorra)



Ikaskuntza-emaitzak

Horrenbestez, irakasgai honetan ikaslea prestatuko da:

-Euskaraz (idatziz eta ahoz), komunikazio-egoeraren araberako erregistro egokia eta zuzena erabiltzeko.

-Dauden baliabide linguistikoak erabiltzeko, eta erabaki linguistikoak bere gain hartzeko.

Lan-munduko ohiko komunikazio-erronkei aurre egiteko.

-Ekonomia eta enpresa arloko erreferentzia bibliografikoak kudeatzeko.

-Ekonomia eta enpresa arloko bibliografia modu kritikoan aztertu eta arlo horretako edukiak Wikipediaren bidez lantzeko.

Aipaturiko emaitza horiek erdiesteko bai ahoz, bai idatziz euskararen ezagutza oinarrizkoa izan beharko du ikasleak.

1.Modulua. Hizkuntza arlo profesionalean



1.1. Hizkuntza-eskubideak eta hizkuntzen kudeaketa eremu profesional eleaniztunetan



1.2. Komunikazio elebidun eraginkorra: protokoloak eta irizpideak



1.3. Euskararen garapen tekno-linguistikoa: profesionalentzako hizkuntza-teknologiak



2.Modulua Testu profesionalak egiteko jarraibideak (oharrak,mezu elektronikoak, gutunak, txostenak, aktak, eta abar.)



2.1. Arlo profesionaleko testuak: irizpide orokorrak



2.2. Arlo profesionaleko testuak: eredu estandarizatuak



2.3. Arlo profesionaleko testuak: estilo-irizpideak



3. Modulua. Hizkuntza-zalantzak argitzeko sareko baliabideak



3.1. Zehaztasuna langai: lexikoarekin lotutako zalantzak argitzeko baliabideak



3.2. Zuzentasuna langai: gramatikarekin eta idazkerarekin lotutako zalantzak argitzeko baliabideak



3.3. Egokitasuna langai: estilo zaindu profesionalarekin zerikusia duten zalantzak argitzeko baliabideak



Zeharkako proiektua: artikulu akademikoa, posterra, web-ekimen bat, Wikipediaren lanketa, zabalkunde-bideoa...



Gaiak:



-Hizkuntza-eskubideak



-Hizkuntzen kudeaketa arlo profesionalean: euskara-lan hizkuntza gisa



-"Ulertzeko Eskubidea" eta hizkera argia (Administrazioarekiko harremanetan)



-Testu eta dokumentu profesionalak



-Kontsulta linguistikoak egiteko baliabideak



EGITARAU PRAKTIKOA



Taldekako proiektuak:

1. Proiektua: txostena.

1.1 Hizkuntz erabilera enpresan: mezu elektronikoak, gutun komertzialak...

1.2 Hizkuntz kalitatea bermatzeko baliabideak.

2. Proiektua: oinarrizko corpusa. Ikasleen ikasgaietako materialak bilduko dira, ahal dela, ikasle bakoitzak aukeratu espezialitatearen arabera (marketina, finantzak, kontabilitatea).



Banakako proiektuak:

3. Proiektua: Wikipediako artikulua (banaka).

4. Proiektua: hautagaitza aurkezteko CVa prestatu (bakarka).

5. Ahozko aurkezpena: norbere hautagaitzaren aurkezpena ppt batez lagundurik. (banaka)

Ikasleak zein arlotakoak diren kontuan hartuta, irakasgaia ahalik eta praktikoena izan dadin saiatuko gara, eta ikasleek hizkuntza-erabiltzaile gisa dituzten (eta izango dituzten) beharretara egokituko dugu irakasgaia. Helburu horri begira, eskola teorikoak ez dira ariketen eta jarduera praktikoen abiapuntu izango, haien osagarriak baizik.

Gelan egin beharreko ariketez gainera, ikasleek auto-ikasketako eta auto-zuzenketako ariketak ere egin beharko dituzte, beren kabuz. Haien bidez nahi dugu ikasleek, gogoeta eginda, ikas dezaten bere "arauak" sortzen; ariketa horien gauzatzean, laguntzaile eta gidari izango dute betiere irakaslea, eskoletan zein tutoretza-orduetan. Hein batean, auto- ikasketa bultzatu nahi dugu, ikasleek nolabaiteko autonomia-maila eskuratu dezaten eta unibertsitatetik irteten direnean hizkuntzaren inguruan sor dakizkiekeen arazoei erantzuteko gauza izan daitezen.



Saio guztiak (eskola magistralak zein praktikoak), ahal dela, informatika-gelan egiten saiatuko gara; izan ere, jarduera guztietarako (teorikoak zein praktikoak) Moodle plataforma erabiliko dugu, alegia e-gela. Plataforma horretan, ikasleek askotariko materiala eta baliabideak izango dituzte eskura; irakasgaia aurrera eramateko behar duten material guztia (ariketak eta abar), baina baita material osagarria (artikuluak...) eta Web-orri interesgarrietarako estekak ere. Halaber, jardueren egunkaria izango dute ikasleek. Hartan, egunez egun, egindako jarduerak jasoko ditugu, teorikoak zein praktikoak; hartara, ikasleak, eskolara huts eginez gero, ez du arazorik izango ikasgaiaren hariari jarraitzeko.

OHIKO DEIALDIA

Ebaluazio jarraitua izango da irakasgaiaren ebaluazio-tresna nagusia, hark izango du lehentasuna. Hala ebaluatzeko, behar den garaian egin eta bidali beharko ditu zereginak ikasleak; horretaz gain, oso lagungarri izango zaio eskoletara joatea ere. Zeregin horietako bakoitza definitu diren ebaluazio-irizpideak kontuan hartuta ebaluatuko da. Ikasleak egin beharreko zereginetatik erdiak edota gutxiago egiten baditu, deialdiari uko egin diola ulertuko da eta Aurkezteke jarriko zaio. Kasu horietan aukera izango du ezohiko deialdian irakasgaia azken probaren bitartez, azterketaren bitartez, gainditzeko. Era berean, ebaluazio jarraitua gainditzen ez duten ikasleek edo hasieratik hala erabaki dutenek, bukaerako azterketa egin ahal izango dute.



Ikasleek eskubidea izango dute azken ebaluazio bidez ebaluatuak izateko, etengabeko ebaluazioan parte hartu zein ez hartu. Eskubide hori baliatzeko, ikasleak etengabeko ebaluazioari uko egiten diola jasotzen duen idatzi bat aurkeztu beharko dio irakasgaiaren ardura duen irakasleari eta, horretarako, bederatzi asteko epea izango du.



Oharrak:

-Ebaluazioaren azken probara (azterketa ofiziala) ikaslea ez bada aurkezten "Aurkezteke" nota jarriko zaio.

-UPV/EHUko Ebaluaziorako Arautegiko 12. artikuluaren arabera, ohiko deialdiari uko egin nahi dion ikasleak idatzi bat aurkeztu beharko dio irakasleari, lauhilekoa bukatu baino hilabete lehenago gutxienez.

-12.2. artikulua kontuan izanik: Etengabeko ebaluazioaren kasuan, azken probaren pisua bada irakasgaiko kalifikazioaren % 40 baino handiagoa, nahikoa izango da proba horretara ez aurkeztea azken kalifikazioa <> izan dadin. Aldiz, azken probaren pisua bada irakasgaiko kalifikazioaren % 40a edo hori baino txikiagoa, deialdiari uko egin nahi dioten ikasleek kasuan kasuko irakasgaiaren irakaskuntza aldia bukatu baino, gutxienez, hilabete lehenago egin beharko dute eskaria. Eskari hori idatziz aurkeztu beharko zaio irakasgaiaren ardura duen irakasleari



1. Ebaluazio jarraituan, honako banaketa jarraituz jarriko da nota:

A. Egitarau praktikoan aurkezturiko proiektuak: %15.

B. Ordenagailu-praktiketako zereginak: %15

C. Ahozko defentsa: % 25

D. Banakako lanak: % 25

E. Testa: % 20

2. Bukaerako azterketari dagokionez, berriz, honako atal hauek izango ditu:

A. Irakasgaian landutako gaiei buruzko testa eta ariketak: %40

B. Idazlana: %35

C. Ahozko aurkezpena: %25

Azterketa ordenagailu-gelan egingo da, hizkuntza-tresna elektronikoekin lotutako gaitasunak ebaluatu ahal izateko. Ahozkoa ere ebaluatuko da. Horretarako, azterketa egunean, idatzia bukatu ondoren, 10 minutuko ahozko aurkezpena egingo dute azterketara aurkezten diren ikasleek ordenagailu-gelan bertan. Ekonomia edota enpresa arloko kontzeptu bat azaldu beharko dute. Aurkezpena egiteko diapositibak prest ekarri beharko dituzte.

E-gelako materialak ezibnestekoak izango dira ikasgaia jarraitzeko. Bai testu-corpusak (ekonomia eta enpresa arlokoak) bai gai bakoitzeko power point formatuan dauden aurkezpenak. Halaber, kontsulta-baliabide garratzitsueen bilduma izango du eskura ikasleak. Bilduma horretan baliabideak sailkatuta eta komentatuta azaltzen dira.

Bibliografía básica

ALONSO, I., IRIZAR, A. eta GARRO, E. (2010). Administrazioko testugintzan sakontzeko ikastaroa (Europako erreferentzi marko bateratuko C2 mailara egokitua). Gasteiz: IVAP.

ARAKAMA, J. M. et al. (2005) IVAPeko Estilo Liburua. Herri Arduralaritzako Euskal Erakundea. Instituto Vasco de Administración Pública

BARONA, I. eta ORIA, K. (2012). Trebakuntzarako ariketa-liburua. Gasteiz: IVAP-HAEE.

BASURTO, M. TIRAPU, J. eta CRESPO, S. (2007). Araugintza ikastaroa. Arauak. Akatsak zuzentzen. Iruñea: Nafarroako Gobernua.

DINTEL, F. (2005). Cómo escribir textos técnicos o profesionales. Todas las claves para elaborar informes, cartas y documentos eficaces. EDITORIAL ALBA.

EUSKALTZAINDIA (2018). Euskara batuaren eskuliburua (EBE). Donostia: ELKAR.

GARCIA, J. eta GOMEZ, G. (2014). EHULKUren hizkuntza-aholkuak. Fitxa didaktikoen bilduma 2006-2014. Bilbo: UPV/EHUren Argitalpen Zerbitzua.

HAINBATEN ARTEAN (2004-2014). EIMAren Estilo Liburua. Donostia: Eusko Jaurlaritzaren Hezkuntza Saila.

PORTACARRERO, F. eta GIRONELLA, N. (2003): La escritura rentable. La eficacia de la palabra en la empresa. EDITORIAL SM.

Bibliografía de profundización

AMATRIA, X. et al. (2009). Komunikazio Elektronikoa. IVAPen gomendioak web-orriak idazteko. Gasteiz: IVAP.
HAINBATEN ARTEAN (2010). Administrazioa Euskaraz Aldizkaria. Gramatika artikuluen bilduma eta ariketak. Gasteiz: IVAP.
IZO (2018). Itzulpen- eta berrikusketa irizpideak. Erabakiak eta gomendioak. Gasteiz: IVAP.

Revistas

Administrazioan Euskaraz (IVAP)
Ekonomiari buruzko bloga:
http://www.unibertsitatea.net/blogak/ekonomia/
Ekonomiaz aldizkaria:
http://www.ogasun.ejgv.euskadi.eus/r51-k86aekon/eu/k86aEkonomiazWar/ekonomiaz/inicio?locale=eu_ES