Aditz trinkoa

Osagai bakarraz eratutako aditza. 'Momentuan' gertatzen ari dena edo ari zena adierazten du, adibidez: nator (momentu honetan 'etortzen ari naiz') edo nentorren (momentu hartan 'etortzen ari nintzen').

Aditz perifrastikoa

Bi elementuk osatzen dute:

• Ezkerrekoari aditz nagusia esaten zaio eta
• Eskuinekoari aditz laguntzailea
  
  Adibidez:
  

Aditzaren aspektua

Ezkerreko elementuak (aditz nagusiak) aspektua markatzen du.
Hiru aspektu-mota daude:

• Burutua (erosi) ekintza burutua adierazteko
  
• Burutugabea (erosten), ohiturazko ekintza edo une jakin batekoa adierazteko
  
• Geroa (erosiko) etorkizuneko ekintza adierazteko
  
  Aditz laguntzaileak hiru marka daramatza:
  
  
• Aldia (oraina eta iragana)
  
• Pertsonak (NOR, NORI eta NORK)
  
• Plurala
  

Aditz laguntzailearen taula

Eranskina

Taula nola erabili

Lehenik, esaldian zein aditz erabili erabaki beharko dugu. Horretarako, esaldi horretan NOR, NORK edo NORI deklinabide kasuko osagairik/hitzik badagoen eta hiru kasu horietatik zein agertzen den ikusi beharko dugu.

• Zenbaitetan aditza kasu bakarrak osatzen du, NOR kasuak.
  Haizearekin atea ireki egin DA
  
  
• Beste batzuetan bi kasu ageri dira batera, NOR-NORI/NOR-NORK.
  
  - NOR/ZER-NORI
  Bartolori, konturatu gabe, euritakoa ireki egin ZAIO
  
  -NOR-NORK
  Bartolok atea ireki DU
  
  
• Eta beste batzuetan hiru kasuak ageri dira, NOR-NORI-NORK.
  Bartolok guri atea ireki DIGU

Hiru deklinabide-kasu horien markez gain, aditz laguntzaileak pluralaren marka darama (-zki- edo -it-).

Logela bat hartu dugu (singularra)
Lau logela hartu ditugu (plurala)
Soineko hori ez zait gustatzen (singularra)
Praka horiek asko gustatzen zaizkit (plurala)