Ordua
LEHEN "T´ERDI" IDAZTEN GENUENA ORAIN "ETA ERDI"
Hitzen batean letra bat edo beste isiltzen dugunean, apostrofoa (') erabili izan dugu. Adibiderik argiena eta ia bakarra "eta erdi"-ren kasua da (agur t'erdi)
Orain arte zenbakiekin ere erabili izan da apostrofoa (adib.: Batzarrak hiru ordu t'erdi iraun zuen; ordu bi t'erdietan itxiko dugu...); baina Euskaltzaindiak kasu horietan "eta erdi" idazteko proposamena egin du.
Orduez ari garela: eta erdiak idatzi behar da (adib.: Lau eta erdiak dira; ordu bi eta erdietan itxiko dugu...).
ZIFRAZ EMATEKOTAN
ISOk (International Standarization Organization, Estandarizaziorako Nazioarteko Erakundeak) emandakoaren arabera: orduak, minutuak eta segundoak bina digituz eta bi puntuz bereizita.
Bulego-orduak, adibidez:
08:00 - 14:00 08:00etatik 14:00ak arte (etara)
15:30 - 17:30 15:30etik 17:30 arte (era)
ZIFRAZ EMANDAKOA DEKLINATZERAKOAN
Orduei plurala erantsi eta minutuei singularra:
17:00etan (bostetan)
17:25ean (bostak eta hogeita bostean)
17:15ean (bostak eta hamabostean)
17:45ean (bostak eta berrogeita bostean)
Kontuz, "laurden", "erdi" eta "laurden gutxi"-rekin, ISOk proposatutakoaren arabera idatzita baldin badaude, minutuak irakurtzen baitira: "hamabost", "hogeita hamar" eta "berrogeita bost", alegia.
EGITARAU, KARTEL ETA ANTZEKOETAN
Erdibide hau ere ontzat ematen da:
Arratsaldeko 5etan (bostetan)
Goizeko 11,30etan (hamaika eta erdietan)
Iluntzeko 8etatik 11k arte (zortzietatik hamaikak arte)