Zalantzak balantzan 2
Hilero bezala, Argitokian agertutako bi zalantza, galdera, ekarri ditugu lehen orrira. Hona hemen martxoko biak:
| Gaia: Escribir horas | 2009/6/9 |
|---|---|
| para poner de 9:00 a 10:30, 12:30, 13,30..... como se pone en euskera? 9:00etatik 13:30era o de otra forma Y si fuese desde las 9:30? 9:30etik o 9:30etatik | |
| Erantzuna: | |
| Euskaltzaindiak dio orduak puntuan bukatzen badira (9:00/ 10:00 e.a.), pluralean deklinatzeko. Beraz, 9:00etatik; 11:00etara e.a. Minutuak agertzen badira (9:05/ 8:15/ 15:30/ 18:45 e.a), berriz, singularrean deklinatuko dugu eta minutuen arabera. Beraz, 10:30era, 12:30etik e.a. Hau guztia kontuan izanda, zuk aipatu duzun hori zuzena da; 9:00etatik 13:30era idatzi beharko dugu. Eta 9:30etik. Azalpen gehiago nahi izanez gero, Argitokiko atal honetara jo: http://www.ehu.es/azpidazki/default.asp?itemID=21 | |
| Gaia: Ortografia | 2009/5/30 |
|---|---|
| Zergatik Cordoba "c-z" eta Kadiz "k-z"? | |
| Erantzuna: | |
| Egia esan, alderantziz da. Kordoba eta Cadiz erabiltzeko dio Euskaltzaindiak. Oro har, hona izenak nola idatzi zehazterakoan Euskaltzaindiak erabili dituen irizpideak: - toki-izen horiek idatziz eta ahoz euskaraz izandako tradizio, usadio eta hurbiltasuna: Akize, Bordele, Gaztela, Kordoba, Madril, Paue e.a. - tradizio sendorik ez dutenak jatorrizko era ofizialean idatziko dira: Ourense, Valladolid, Cadiz e.a. Beraz, Kordoba idatziko dugu, historian, hiri honek gurean izan duen tradizioagatik. Xehetasun gehiagorako, eta irizpideak ikusi nahi izanez gero, jo hona: http://www.euskaltzaindia.net/dok/arauak/Araua_0032.pdf | |