DESKRIBAPENA

Soinua neurtzeko tresna-mota asko dauden arren, ia denak dute transduktore bat (normalean mikrofono bat), analisirako sistema bat (zenbait zirkuitu elektriko seinale elektrikoa egokitu, moldatu, ponderatu eta integratu dezaketenak) eta irudiztatzeko sistema bat (display digitala, pantaila bat,  inprimagailua edo beste edozein).

Sonometroa

Aparatu honek soinuarekiko erantzuna giza-belarriaren antzekoa du. Tresna hau behar-beharrezkoa da soinu-presioa neurtzeko.

Sonometro integratzaileak, gainera, soinu-presio koadratikoaren batezbesteko lineala kalkulatzen du.

Ohizko sonometroak gehien bat erabili ohi dira zarata egonkorraren A ponderazioko presio akustikoa neurtzeko soilik (L_pA). Sonometro integratzaileak ordea zarata-mota ezberdin asko neurtzeko erabil daitezke eta aldi berean zenbait parametro ezberdin neur ditzakete (presio akustikoaren maila batezbesteko azkarrarekin, L_F,  batezbesteko geldoarekin, L_S, presio akustiko maila baliokidea L_bal, eta baita soinu esposaketa-maila ere).

Frekuentzia-analizatzailea

Soinuaren energia-edukia neurtzen du frekuentzia ezberdinetan. Mikrofonoak emandako seinalea filtro ezberdinekin prozesatzen du eta frekuentzia-tarte jakin batzuetarako energia-kantitatea neurtzen du. 

Soinu konplexuak soinu-osagai sinpleen kopuru handi batez osatuta egon ohi dira, frekuentzien espektro osoan barrena sakabanatuta. Batzutan interesgarria izaten da presio akustikoa neurtzea 1Hz-ko zabaleradun banda batean, SL_R. Balio hau kalkulatu daiteke bi frekuentzia mugatzaileren tartean, f₁ eta f₂, banda osoko presio-maila ezagutzen bada, BL_p,

SL_p = BL_p - 10 log (f_Bl / l)

Dosimetroa

Aparatu hau sonometro integratzaile txiki bat da eta pertsona batek jasandako zarata-dosia kalkulatzen du. Sistema integratzaile bat dauka eta neurtzen aritu izan den denbora osoan zehar pilatutako zarata-dosia kalkulatzen du. Dosimetro modernoek zuzenean ematen dute edozein zarataren soinu-presio baliokidea, eta baita pilatutako soinu-maila baliokide osoa ere. Portatilak izaten dira eta txikiak, toki finkoetako zein mugikorretako zarata-mota guztiak neurtu ahal izateko. Dosimetro batek ere beste funtzio batzuk ere izan ditzake: denboran zeharreko ponderazio esponentziala, normalean geldoa, eta fabrikatzaileak emandako zarata-ataria.

Kalibratzaile akustikoa

Tresna hau sonometroak kalibratzeko da, beraz sonometroen  fidagarritasuna bermatzeko. Bere eginkizuna soinu egonkor bat sortzea da, frekuentzia jakin batekoa, eta horrela sonometroaren neurketa egiaztatzeko balio du, eta errorerik balu zuzentzeko. Normalean selektore bat izaten dute soinu jakinen sorta bat sortu ahal izateko 1 Khz-ko tarteaz.

ADIBIDE ETA SIMULAZIOAK

Sonometro baten eskema

Dosimetro baten eskema 

Soinu-esposaketa neurtzeko aparatuaren eskema

GALDERAK

a Soinua neurtzeko tresna gehienek badaukate:

1. mikrofono bat

2. inprimagailu bat

3. irakurketa digitalerako pantaila

4. eramateko maleta

MULTIMEDIA ETA WEB BALIABIDEAK

Gai honetaz gehiago irakurri nahi baduzu, ondoko estekan erreferentziak aurkituko dituzu:   , eta gero honako atalean  .