Bilboko Ingeniaritza Goi Eskola Teknikoko Produktu Diseinurako Laborategiak Adierazpen Grafikoa eta Ingeniaritzako Proiektuak Sailaren interesei erantzuna ematen die Produktuaren Diseinu, Alderantzizko Ingeniaritza eta Prototipatze Arinaren arloko ikerkuntza eta transferentzia teknologikoan.

Lantaldea ondorengoek osatzen dute: Adierazpen Grafikoa eta Ingeniaritzako Proiektuak, Ingeniaritza Mekanikoa eta Matematika Aplikatua Sailetako irakasle multzo batek, proiektu zehatzetarako kontrataturiko ikerlariek, doktore-tesia garatzen dauden  ikertzaileek eta Industria Diseinu eta Proiektuen Kudeaketako intentsifikazioan dauden aurre graduko barne-ikasleek.

Laborategia azken belaunaldiko ekipamenduaz dago hornituta. Datu-atzipen sistemei dagokienez, tipologia ezberdinetako 3D eskanerrak daude, hala nola Creaform-en Handyscan Exascan eta Handyscan Revscan, Gom-en Atos edota Next Egine-ren 3D Scanner HD.

Era berean prototipatze arineko bi makina daude, Stratasys-en Dimension Elite modelo bat eta Z Corporation etxearen Zprinter 450. Alderantzizko Ingeniaritzan lan egiteko Rapidform XOR, Geomagic Studio eta ATOS bezalako software lizentziak erabiltzen dira eta ikuskaketarako Geomagic Qualify. Diseinurako softwareak CatiaV5, Solid Edge, NX6 eta SolidWorks lizentziak barneratzen ditu.

Ikerketa taldeak lankidetza erlazio estua gordetzen du Quebec-eko Laval, Burdeosko Ensam, Cardiff eta Halle-ko unibertsitatearekin.